”நீங்கதாம்மா அதிமுக-வுக்கு தலைமையேற்று எங்களை எல்லாம் வழிநடத்த வேண்டும்” மூத்த தலைவர்கள் உருக்கத்தோடு வேண்டுகோள்

”நீங்கதாம்மா அதிமுக-வுக்கு தலைமையேற்று எங்களை எல்லாம் வழிநடத்த வேண்டும்” மூத்த தலைவர்கள் உருக்கத்தோடு வேண்டுகோள்

மறைந்த முதலமைச்சர் ஜெயலலிதாவுக்குப் பிறகு அதிமுக-வுக்கு தலைமை ஏற்கப் போகிறவர் யார் என்கிற கேள்வி எழுந்தது. இதுகுறித்து பல்வேறு அரசியல்கட்சிகளைச் சேர்ந்த தலைவர்களும் அதிமுக-வின் முன்னாள் அமைச்சர்களும் மூத்த தலைவர்களும் கருத்து தெரிவித்து வந்தனர்.

இந்நிலையில், மறைந்த முதலமைச்சர் ஜெயலலிதாவோடு அரசியல் பயணத்தில் பல சோதனையான காலகட்டங்கள் உள்ளிட்டவற்ற அனைத்திலும் உடன்பிறந்த சகோதரியாக உற்ற துணையாக பயணித்த சசிகலாதான் ஜெயலலிதாவுக்கு அடுத்து அதிமுக-வைத் தலைமையேற்று வழிநடத்த தகுதியானவர் என்று அதிமுக-வின் அனைத்து மட்டங்களில் இருந்தும் ஆதரவுக்குரல் வலுத்தது.

முதலமைச்சர் ஓ.பன்னீர்செல்வம், அமைச்சர்கள், எம்.எல்.ஏக்கள், தம்பிதுரை, செங்கோட்டையன், மதுசூதனன் உள்ளிட்ட மூத்த தலைவர்கள் என அனைவருமே போயஸ் தோட்டத்துக்கு சென்று சசிகலாவை நேரில் சந்தித்து, “நீங்கதாம்மா அதிமுக-வுக்கு தலைமையேற்று எங்களை எல்லாம் வழிநடத்த வேண்டும்” என்று உருக்கத்தோடு வலியுறுத்தினர்.

அதனைத் தொடர்ந்து தமிழகத்தின் அனைத்து மாவட்டங்களில் இருந்தும் அதிமுக-வின் மாவட்டக் கழக நிர்வாகிகள், ‘சசிகலா அதிமுக-வுக்கு தலைமை ஏற்க வேண்டும்’ என்று தங்களது முழு ஆதரவினை வெளிப்படுத்தினர். இந்தநிலையில், நேற்று முன்தினம் (13/12/2016) மாலை நாடாளுமன்ற துணை சபாநாயகர் தம்பிதுரை தலைமையில் 49 அதிமுக எம்.பிக்களும் போயஸ் தோட்டத்துக்கு நேரில் சென்று, அங்கு மறைந்த முதலமைச்சர் ஜெயலலிதாவின் முழுவுருவப் படத்துக்கு மலரஞ்சலி செலுத்தினர். பிறகு சசிகலாவைச் சந்தித்த அவர்கள் அவரிடம், “நீங்கள்தான் அடுத்ததாக அதிமுக-வுக்கு தலைமையேற்று. கட்சியைப் பாதுகாத்து எங்களை வழிநடத்த வேண்டும்” என்று உருக்கத்தோடு வேண்டுகோள் வைத்து வலியுறுத்தினர்.

குழுசேர்

© 2017, S. G. S. Creative Media