குஜராத், இமாசலப் பிரதேச தேர்தல் முடிவு.. நாளை முதல் பெட்ரோல் டீசல் விலை உயர்வு.?
Petrol and diesel price possible to increased
இந்தியாவில் சர்வதேச சந்தையில் கச்சா எண்ணெய் விலைக்கு ஏற்ப மாதம் இருமுறை விலை நிர்ணயம் செய்யப்பட்டு வந்தது.
இம்முறை மாற்றி அமைக்கப்பட்டு, தினசரி பெட்ரோல் மற்றும் டீசல் விலை நிர்ணயம் செய்யும் முறையை மத்திய அரசு அமல்படுத்தியது. விலையை நிர்ணயம் செய்யும் பொறுப்பு எண்ணெய் நிறுவனங்களுக்கு வழங்கப்பட்டது.
தினசரி பெட்ரோல், டீசல் விலை நிர்ணயம் செய்யும் முறை அமலுக்கு வந்ததால், இந்தியாவில் பெட்ரோல், டீசல் விலைகள் தொடர்ந்து அதிகரித்த வண்ணம் இருந்தது. இதனால் பெரும்பாலும் பொதுமக்கள் சிரமத்திற்கு ஆளாகினர்.
மேலும், பெட்ரோல் மற்றும் டீசல் விலையானது, சிறிதளவில் இறக்கம், ஏற்றம் கண்டு வந்தது. கடந்த சில மாதங்களாக பெட்ரோல் டீசல் விலையில் அதிரடி மாற்றங்கள் ஏற்பட்டு வருகிறது. அதிகரிக்கும் விலையால் பிற பொருட்களின் விலைவாசி நாளுக்கு நாள் உயர்ந்து வருகிறது.
இதில் குஜராத் மற்றும் இமாச்சலப் பிரதேசம் சட்டமன்றத் தேர்தல் காரணமாக கடந்த 6,7 மாதங்களாக பெட்ரோல் மற்றும் டீசல் விலையில் மாற்றமில்லை.
![](https://img.seithipunal.com/media/petrol diesel price-75bry.png)
அதன்படி, தொடர்ந்து கடந்த 201-வது நாளாக இன்றும் பெட்ரோல், டீசல் விலையில் மாற்றமில்லாமல் விற்பனை செய்யப்படுகிறது. சென்னையில் ஒரு லிட்டர் பெட்ரோல் 102 ரூபாய் 63 காசுகளுக்கும், டீசல் ஒரு லிட்டர் 94 ரூபாய் 24 காசுகளுக்கும் விற்பனை செய்யப்படுகிறது.
குஜராத் மற்றும் இமாச்சல் பிரதேச தேர்தல் முடிவு இன்று வெளியாக உள்ள நிலையில், நாளை முதல் பெட்ரோல், டீசல் விலை உயரக்கூடும் என்று எதிர்பார்க்கப்படுகிறது.
English Summary
Petrol and diesel price possible to increased