பிரதீப் ரங்கநாதன் கதாநாயகனாக நடிக்கும் 'டிராகன்' திரைப்படத்தை  அஸ்வத் மாரிமுத்து இயக்கியுள்ளார். இவர் இதற்கு முன்  'ஓ மை கடவுளே' திரைப்படத்தை இயக்கியவர். இந்த படத்தை ஏ.ஜி.எஸ். நிறுவனம் தயாரித்துள்ளது. படத்திற்கு லியோன் ஜேம்ஸ் இசையமைத்துள்ளார்.

இப்படத்தில் அனுபமா பரமேஸ்வரன், கயடு லோஹர் , விஜே சித்து, ஹர்ஷத் மற்றும் பிரபல இயக்குநர்களான மிஷ்கின் , கவுதம் வாசுதேவ் மேனன், மரியம் ஜார்ஜ், சித்ரா முக்கிய கதாபாத்திரத்தில் நடித்துள்ளனர்.

இந்த 'டிராகன்' படத்தில் இடம்பெற்றுள்ள 'ரைஸ் ஆஃப் தி டிராகன்'மற்றும் 'வழித்துணையே' பாடல்கள் வெளியாகி மக்களிடையே வரவேற்பை பெற்றது.  இந்நிலையில், 'டிராகன்' படத்தில் நடிகர் சிலம்பரசன் பாடிய 'ஏண்டி விட்டு போன' என்ற பாடலின் ப்ரோமோ தற்போது வெளியாகியுள்ளது. 

இந்த ப்ரோமோவில் இப்படத்தின் இயக்குனர் அஸ்வத் மாரிமுத்து, இசையமைப்பாளர் லியோன் ஜேம்ஸ் உடன் சிலம்பரசன் ஜாலியாக பாடல் குறித்து உரையாடுகின்றனர். சிலம்பரசன் குரலில் இந்த பாடல் வருகின்ற 28-ஆம் தேதி வெளியாகும் என படக்குழு அறிவித்துள்ளது.

அத்துடன், 'டிராகன்' திரைப்படம், எதிர்வரும் பிப்ரவரி 21-ஆம் தேதி திரையரங்குகளில் வெளியாகயுள்ளது. இதே நாளில் தனுஷ் இயக்கியுள்ள 'நிலவுக்கும் என்மேல் என்னடி கோபம்' திரைப்படம் வெளியாகவுள்ளமை குறிப்பிடத்தக்கது.
 

https://x.com/Dir_Ashwath/status/1883518534623367297?ref_src=twsrc%5Etfw%7Ctwcamp%5Etweetembed%7Ctwterm%5E1883518534623367297%7Ctwgr%5E99910170f453f62ed67e738fdce6f5c62ecc0e3c%7Ctwcon%5Es1_&ref_url=https%3A%2F%2Fwww.maalaimalar.com%2F