அந்த மனசு இருக்கே... சிறுவனின் சிகிச்சைக்கு உதவிய ஜி.வி.பிரகாஷ்: ரசிகர்கள் பாராட்டு!
gv Prakash post goes viral
பிரபல இசையமைப்பாளரான ஜி.வி. பிரகாஷ் இசையில் மட்டுமல்லாமல் நடிப்பிலும் தனது திறமையை வெளிப்படுத்தி வருகிறார்.
இவர் நடிப்பில் வெளியாகும் திரைப்படங்கள் ரசிகர்களிடையே நல்ல வரவேற்பை பெற்று வருகிறது. தற்போது இவர் முன்னணி நடிகர்களின் படங்களுக்கு இசையமைத்து வருகிறார்.
மேலும் பல படங்களில் நடித்தும் வருகிறார். இந்நிலையில் ஒரு சிறுவனின் உயிரை காப்பாற்றுவதற்காக இசையமைப்பாளர் ஜி.வி பிரகாஷ் உதவி செய்துள்ளார்.
அதாவது ஒரு வயது சிறுவனின் மூளைக்கு அருகில் கட்டி இருப்பதாகவும் அதனை சரி செய்வதற்காக அறுவை சிகிச்சை செய்ய வேண்டும் என மருத்துவர்கள் தெரிவித்துள்ளனர்.
இதற்காக சமூக வலைதளத்தில் சம்பந்தப்பட்ட நபர் இசையமைப்பாளர் ஜி.வி. பிரகாஷிடம் உதவி கேட்டுள்ளார். இதனை பார்த்த ஜி.வி. பிரகாஷ் அவருக்கு ரூ. 75 ஆயிரம் பணம் அனுப்பியுள்ளார்.
இதற்கான ஸ்கிரீன்ஷாட் இசையமைப்பாளர் ஜி.வி. பிரகாஷ் சமூக வலைதளத்தில் பகிர்ந்து 'என்னால் முடிந்த சிறு உதவி' என குறிப்பிட்டுள்ளார். இவரின் இந்த செயலுக்கு ரசிகர்கள் பலரும் வாழ்த்து தெரிவித்து வருகின்றனர்.
English Summary
gv Prakash post goes viral