வலிமை முதல் காட்சி வெளியாகும் நேரம் இதுவா.?! மிகுந்த உற்சாகத்தில் ரசிகர்கள்.!

தமிழ் சினிமாவில் பிரபல நடிகராக இருப்பவர் தல அஜித். இவருடைய நடிப்பில் கடைசியாக வெளியான நேர்கொண்ட பார்வை திரைப்படம் நல்ல வரவேற்பை பெற்றது. இந்த படத்தை இயக்குனர் ஹச்.வினோத் இயக்கியிருந்தார்.

இந்த நிலையில் தற்போது தல அஜித் மீண்டும் இயக்குனர் ஹெச்.வினோத் இயக்கத்தில் வலிமை படத்தில் நடித்துள்ளார். இந்த படத்தை பாலிவுட் தயாரிப்பாளர் போனி கபூர் தயாரித்துள்ளார். மேலும், இந்த படத்திற்கு யுவன் ஷங்கர் ராஜா இசையமைத்துள்ளார்.

சமீபத்தில் இந்த படத்தின் ஃபர்ஸ்ட் லுக், மோஷன் போஸ்டர் வீடியோ, ஃபர்ஸ்ட் சிங்கிள், சண்டைக் காட்சி மேக்கிங் வீடியோ மற்றும் டிரெய்லர் வெளியாகி ரசிகர்களிடையே நல்ல வரவேற்பை பெற்றுள்ளது. மேலும், இந்த திரைப்படம் பொங்கலுக்கு ரிலீஸாக இருந்த நிலையில், தமிழகத்தில் தற்போது ஊரடங்கின் காரணமாக இந்த படத்தின் ரிலீஸ் தற்காலிகமாக ஒத்திவைக்கப்பட்டது.

வரும் பிப்ரவரி 24ஆம் தேதி படம் வெளியாக உள்ள நிலையில் இதன் முதல் காட்சி நள்ளிரவு ஒரு மணிக்கு வெளியாகும் என்று தற்போது தகவல் கிடைத்துள்ளது. இதன் காரணமாக ரசிகர்கள் மிகுந்த உற்சாகத்துடன் காணப்படுகின்றனர்.