தமிழிசை அட்டாக்!...உதயாவுக்கு எதிராக உருவாகியுள்ள கட்சி தவெக!

தமிழக வெற்றிக் கழகம் என்ற கட்சி தொடங்கியுள்ள நடிகர் விஜய், வரும் 2026-ம் ஆண்டு சட்டமன்ற தேர்தலில் போட்டியிடப்போவதாக அதிகாரபூர்வமாக அறிவித்துள்ளார்.

தமிழக வெற்றி கழகத்தின் முதல் மாநில மாநாடு விழுப்புரம் மாவட்டம், விக்கிரவாண்டி வி.சாலையில் நேற்று மாலை நடைபெறுகிறது. இந்த மாநாட்டில் பங்கேற்ற தமிழக வெற்றி கழகத்தின் கொள்கைகள் வெளியிடப்பட்டது.

தொடர்ந்து இந்த மாநாட்டில் தமிழக வெற்றி கழக தலைவர் விஜய் உரையாற்றினார். இதற்கிடையே விஜய்யின் மாநாடு தொடர்பாக தமிழ்நாடு மாநில பாஜக முன்னாள் தலைவர் தமிழிசை சவுந்தர்ராஜன் கருத்து தெரிவித்துள்ளார்.

அந்த வகையில், தம்பி விஜய்க்கு எனது வாழ்த்துகளை தெரிவித்துக்கொள்கிறேன் என்றும், புதிய கட்சி ஒன்று உருவாகியுள்ளதாக கூறிய அவர், இது உதயாவுக்கு எதிராக உருவாகியுள்ள அந்த கட்சிக்கு எனது வாழ்த்துகள் என்று கூறினார். மேலும், விஜய் இதே வீரியத்துடன் இருக்க வேண்டும் என்றும், திமுகவை எதிர்ப்பதற்கு வலிமையான கட்சி வந்திருக்கிறது. குற்றம் சொல்லும் அளவிற்கு எதுவுமே பாஜகவில் இல்லை என்பதை தம்பி விஜய்க்கு விளக்க தயாராக இருப்பதாக கூறினார்.