இந்தியா வெஸ்ட் இண்டீஸ் அணிகளுக்கு இடையேயான இரண்டாவது டெஸ்ட் கிரிக்கெட் போட்டி இறுதி கட்டத்தை எட்டியுள்ளது.

முதல் இன்னிங்ஸில் 438 ரன்கள் எடுத்த இந்திய அணி, தனது இரண்டாவது இன்னிங்சில் இரண்டு விக்கெட் இழப்புக்கு 181 ரன்கள் எடுத்த போது டிக்ளேர் செய்தது.

இரண்டாவது இன்னிங்ஸில் இந்திய அணியின் நான்காவது பேட்ஸ்மேனாக களம் இறங்கிய இஷான் கிஷன் 34 பந்துகளில் 52 ரன்கள் சேர்த்து, தோனியின் சாதனையை முறியடித்துள்ளார்.

டெஸ்ட் கிரிக்கெட்டில் இந்திய விக்கெட் கீப்பர் பேட்ஸ்மேன்களின் அதிவேக அரைசதம் விளாசிய வீரர்கள் பட்டியலில் தொனியை பின்னுக்கு தள்ளி இரண்டாம் இடத்தை பிடித்துள்ளார் இஷான் கிஷன்.

மேலும், இந்த ஆட்டத்தில் "தான் ஆடாவிட்டாலும், தன் பேட் ஆடும்" என்பதை வெஸ்ட் இண்டீஸ் அணிக்கு எதிரான டெஸ்ட் ஆட்டத்தில் ரிஷப் பண்ட் நிலத்தி காட்டியுள்ளார்.

இரண்டாவது இன்னிங்க்சில் நான்காவதாக களமிறங்கிய இஷான் கிஷன், தனது பேட்டில் "ரிஷப் பந்த் 17" என்பதை குறிக்கும் விதமாக "ஆர்பி 17" என்று எழுதி, அவரை போலவே ஒற்றை கையில் சிக்சர் அடித்து, தனது அரை சதத்தை பூர்த்தி செய்தார்.

அப்போது மைதானத்தில் இருந்த ரசிகர்களும், இந்திய அணியின் கேப்டன் ரோகித் சர்மா உள்ளிட்ட இந்திய வீரர்களும் கைதட்டி ஆரவாரம் செய்து தங்களது மகிழ்ச்சியை வெளிப்படுத்தினர்.

கார் விபத்தில் படுகாயம் அடைந்த ரிஷப் பண்ட், மருத்துவ சிகிச்சை முடிந்து, தற்போது பயிற்சியில் ஈடுபட்டு வருகிறார் என்பது குறிப்பிடத்தக்கது.