இந்தியா வெஸ்ட் இண்டீஸ் அணிகளுக்கு இடையேயான இரண்டாவது டெஸ்ட் கிரிக்கெட் போட்டி பரபரப்பான கட்டத்தை எட்டியுள்ளது.

முதல் இன்னிங்ஸில் 438 ரன்கள் எடுத்த இந்திய அணி, தனது இரண்டாவது இன்னிங்சில் இரண்டு விக்கெட் இழப்புக்கு 181 ரன்கள் எடுத்த போது டிக்ளேர் செய்தது.

365 ரன்கள் எடுத்தால் வெற்றி என்ற இலக்குடன் களமிறங்கிய வெஸ்ட் இண்டீஸ் அணி இரண்டு விக்கெட் இழப்பிற்கு 76 ரன்கள் எடுத்துள்ளது.

இந்த டெஸ்ட் ஆட்டத்தில் இந்திய கிரிக்கெட் அணியின் கேப்டன் ரோகித் சர்மா மாபெரும் ஒரு உலக சாதனையை தகர்த்துள்ளார்.

தொடர்ச்சியாக 30 இன்னிங்ஸ்களில் இரட்டை இலக்கத்தில் ரன்களை கடந்த முதல் வீரர் என்ற பெருமையை, சாதனையை ரோகித் சர்மா படைத்துள்ளார்.

கடந்த 2021 ஆம் ஆண்டு முதல் தற்போது வரை ரோகித் சர்மா பங்கேற்ற அனைத்து டெஸ்ட் போட்டிகளிலும், இரண்டு இன்னிங்ஸிலும் இரட்டை இலக்கத்தில் ரன் அடித்துள்ளார்.

முன்னதாக இலங்கை வீரர் ஜெயவர்தனே 2001 முதல் 2002 ஆம் ஆண்டு வரை தொடர்ச்சியாக 29 இன்னிங்சில் இரட்டை இலக்க ரன்கள் அடித்திருந்தார். அவரின் இந்த சாதனையை தற்போது ரோகித் சர்மா தகர்த்தெரிந்துள்ளார்

இந்த பட்டியலில், 1951-53-ல் லென் ஹட்டன் 25 முறையும், 1961-65-ல் ரோஹன் ரஹ்காய் 25 முறையும, ஜெயவர்தனே 2002-2004-ல் 24 முறையும், 2012-14-ல் டி வில்லியர்ஸ் 24 முறையும் தொடர்ச்சியாக இரட்டை இலக்க ரன்களை சேர்த்திருந்தனர்.