விடாது தொடரும் மழை! 27 மாவட்டங்களில் அடுத்த சில மணி நேரங்களுக்கு கொட்டித்தீர்க்க வரும் கனமழை! ரெடியா இருங்க மக்களே!
27 districts will receive heavy rain for the next few hours Be ready people
தென்கிழக்கு வங்கக்கடல் பகுதியில் நிலவும் ஆழ்ந்த காற்றழுத்த தாழ்வு பகுதி காரணமாக, தமிழகம் முழுவதும் கடந்த இரண்டு நாட்களாக மழை தொடர்ச்சியாக பெய்து வருகிறது. இதனால் பல மாவட்டங்களில் வானம் மேகமூட்டத்துடன் காணப்படுவதுடன், இடியுடன் கூடிய மழை பெய்யும் நிலை தொடரும் என சென்னை வானிலை ஆய்வு மையம் தெரிவித்துள்ளது.
மிதமான மழை எதிர்பார்க்கப்படும் மாவட்டங்கள்:அரியலூர், பெரம்பலூர், திருச்சி, கரூர், திண்டுக்கல், மயிலாடுதுறை, நாகை, தஞ்சாவூர், திருவாரூர், தென்காசி, தேனி, விருதுநகர், புதுக்கோட்டை, ராமநாதபுரம், சிவகங்கை.
லேசான இடியுடன் கூடிய மிதமான மழைக்கு வாய்ப்பு:கடலூர், சேலம், நாமக்கல், நீலகிரி, கோவை, திருப்பூர், நெல்லை, தூத்துக்குடி.
சென்னை மற்றும் அதனைச் சுற்றிய பகுதிகள்:சென்னை, திருவள்ளூர், காஞ்சிபுரம், செங்கல்பட்டு மாவட்டங்களில் லேசான மழை பெய்யும் என எதிர்பார்க்கப்படுகிறது.
வழக்கமான மழைவெள்ளப் பிரச்சனைகள் மற்றும் வாகன போக்குவரத்து சிரமங்களைத் தவிர்க்க பொதுமக்கள் முன்னெச்சரிக்கையாக செயலில் ஈடுபட வேண்டும். மழையின் தாக்கம் குறைந்தபோதும், நீண்டநாள் பாதிப்பு ஏற்படாத வகையில் அனைத்து முன்னெச்சரிக்கை நடவடிக்கைகளும் மேற்கொள்ளும்படி அரசு கேட்டுக் கொண்டுள்ளது.
English Summary
27 districts will receive heavy rain for the next few hours Be ready people