தமிழக ஆளுநர் ஆர்.என் ரவி பாஜகவின் விசுவாசியாக செயல்படுகிறார் என தேனி நாடாளுமன்ற உறுப்பினர் தங்கதமிழ்ச்செல்வன் குற்றம் சாட்டியுள்ளார்.

தேனி மாவட்டம் கடமலை, மயிலை ஒன்றிய அலுவலகத்தில் நடைபெற்ற சுதந்திர தின விழாவின் சிறப்பு அழைப்பாளராக தேனி நாடாளுமன்ற உறுப்பினர் தங்க தமிழ்ச்செல்வன் கலந்து கொண்டார். பின்னர் தங்கதமிழ்ச்செல்வன் தேசிய கொடியை ஏற்றி வைத்து பொதுமக்களுக்கு இனிப்புகளை வழங்கினார்.

பின்னர் செய்தியாளர்களை சந்தித்து நாடாளுமன்ற உறுப்பினர் தங்க தமிழ்ச்செல்வன் தெரிவித்ததாவது, திருமாவளவன் பேசிய கருத்தை தவறாக சித்தரித்து செய்து வந்து கொண்டிருக்கிறது. விடுதலை சிறுத்தைகள் கட்சி திருமாவளவன் சமீபத்தில் பேசியது தலித் சமுதாய மக்களுக்கு அனைத்து உதவிகளும் முதலமைச்சர் ஸ்டாலின் செய்து வருகிறார் என்று பேசினார்.

ஆனால் சில விஷயங்கள் அதனை மட்டும் கட் செய்து விட்டு தலித் சமுதாயம் குடித்து திருமாவளவன் பேசிய கருத்துக்களை முதலமைச்சர் ஸ்டாலினுக்கு எதிராக சமூக வலைதளங்களில் வெளியிட்டு வருகின்றனர்.

திராவிட மாடல் தமிழகத்தை சீர்குலைத்து வருவதாக ஆளுநர் ரவி சென்னையில் நடைபெற்ற நிகழ்ச்சியில் பேசியுள்ளார். திராவிட மாடல் தமிழ்நாட்டை சீர் அழிக்கவில்லை. அனைத்து தரப்பு மக்களையும் சீர்தூக்கி வருகிறது. 

சமீபத்தில் நடந்த புள்ளி விவரப்படி தமிழகத்தை சேர்ந்த கல்லூரிகளே இந்தியாவின் தலைசிறந்த கல்லூரிகளாக உள்ளது என்ற ஒன்னு திராவிட மாடல் அரசுக்கு போதுமானது. ஆளுநர் ரவி இதைப் பற்றி தெரியாமல் பாஜகவின் விசுவாசியாக தொடர்ந்து செயல்பட்டு வருகிறார் என்று தங்க தமிழ்ச்செல்வன் தெரிவித்துள்ளார்.