வெளியானது பிசாசு 2 படத்தின் போஸ்டர்.!
pisasu 2 movie poster released
கடந்த 2014-ஆம் ஆண்டு மிஷ்கின் இயக்கத்தில் வெளியான 'பிசாசு' திரைப்படம் வசூல் ரீதியாகவும், விமர்சன ரீதியாகவும் நல்ல வரவேற்பை பெற்றதைத் தொடர்ந்து, 'பிசாசு' படத்தின் இரண்டாம் பாகத்தை மிஷ்கின் இயக்கி முடித்துள்ளார்.
நடிகை ஆண்ட்ரியா முதன்மை கதாபாத்திரத்தில் நடித்துள்ள இந்த படத்தில், நடிகர் விஜய் சேதுபதி, பூர்ணா, சந்தோஷ் பிரதாப், நமிதா கிருஷ்ணமூர்த்தி, அஜ்மல் உள்ளிட்ட பலர் நடித்துள்ளனர். இதன் போஸ்ட் புரொடக்சன் பணிகள் நடைபெற்று வருகிறது.
இந்தப் படத்தை ராக்போர்ட் எண்டர்டெயின்மெண்ட் சார்பில் முருகானந்தம் தயாரிக்கிறார். இந்தப் படத்திற்கு கார்த்திக் ராஜா இசையமைத்துள்ளார். சமீபத்தில் இந்த படத்தின் டீசர் வெளியாகி ரசிகர்களை வெகுவாக கவர்ந்த நிலையில், நடிகை ஆண்ட்ரியாவின் பிறந்தநாளை முன்னிட்டு பிசாசு 2 திரைப்படத்தின் சிறப்பு போஸ்டரை படக்குழு வெளியிட்டு வாழ்த்து தெரிவித்துள்ளது.
மேலும், இந்தப் படத்தின் ரிலீஸ் அப்டேட்டையும் வெளியிட்டுள்ளது. அதன்படி, பிசாசு 2 திரைப்படம் தமிழ், தெலுங்கு, மலையாளம், கன்னடம் உள்ளிட்ட மொழிகளில் அடுத்த ஆண்டு மார்ச் மாதம் வெளியாக உள்ளது.
English Summary
pisasu 2 movie poster released