நெல்லை | ஒரு ஆட்டால் நேர்ந்த சோகம் - குழந்தைகள் உள்பட 13 பேர் மருத்துவமனையில் அனுமதி!
wedding van overturned road peoples injured
திருநெல்வேலி, மையவாடி அருகே உள்ள ரஹ்மத் நகர் பகுதியைச் சேர்ந்த 20 பேர், விருதுநகர் ராஜபாளையத்தில் நடைபெற்ற திருமண நிகழ்ச்சியில் கலந்து கொள்வதற்காக இன்று காலை வேனில் புறப்பட்டு சென்றனர்.
சங்கரன்கோவில் அருகே வேன் சென்று கொண்டிருந்தபோது சாலை குறுக்கே ஆடு ஒன்று ஓடியதால் ஓட்டுநர் திடீரென வண்டியை நிறுத்த முயற்சித்ததால் வேன் கட்டுப்பாட்டை இழந்து சாலையில் கவிந்தது.
இதனால் வேனில் பயணித்த அனைவரும் அலறி துடித்தனர். அவர்களது அலறல் சத்தம் கேட்டு அந்த வழியாக சென்றவர்கள் விரைந்து வந்து விபத்தில் சிக்கியவர்களை மீட்டனர்.
இதில் பெரும்பாலானோருக்கு சிறிய காயங்களுடன் உயிர்த்தப்பினர். 13 பேருக்கு படுகாயம் ஏற்பட்டன. அவர்களை அவசர ஊர்தி மூலம் நெல்லை அரசு மருத்துவமனைக்கு கொண்டு செல்லப்பட்டனர்.
அங்கு குழந்தைகள் உள்பட 11 பேருக்கு தீவிர சிகிச்சை அளிக்கப்பட்டு வருகிறது. இந்த விபத்தினால் அந்த பகுதியில் சிறிது நேரம் போக்குவரத்து பாதிக்கப்பட்டது.
இது குறித்து தகவல் அறிந்து வந்த போலீசார் நீண்ட நேரம் போராடி போக்குவரத்து பாதிப்பை சரிப்படுத்தினர். மேலும் இந்த விபத்து தொடர்பாக மானூர் போலீசார் வழக்கு பதிவு செய்து விசாரணை நடத்தி வருகின்றனர்.
English Summary
wedding van overturned road peoples injured