தமிழகத்தில் தலை தூக்கும் கொரோனா - 18 பேருக்கு தொற்று உறுதி.!
corona affected troll increase in tamilnadu
கடந்த சில நாட்களாக கொரோனா தோற்று இந்தியாவிலும் அதிகரிக்கத் தொடங்கியுள்ளது. அதிலும் குறிப்பாக கேரளா மாநிலத்தில் கடந்த 14-ந்தேதி ஒரே நாளில் 280 பேருக்கு கொரோனா பாதிப்பு கண்டறியப்பட்டது. இதையடுத்து பாதிக்கபட்டவர்களின் மாதிரியை பரிசோதனை செய்தபோது அது 'ஜே.என்.- 1' என்ற உருமாறிய புதுவகை கொரோனா என்று ஆய்வில் கண்டுபிடிக்கப்பட்டது.
இந்த நிலையில், தமிழ்நாட்டிலும் கடந்த இரண்டு வாரங்களாக கொரோனா பாதிப்பின் வேகம் அதிகரித்து வருகிறது. அந்த வகையில், தமிழகத்தில் இன்று 228 பேருக்கு கொரோனா பரிசோதனை செய்யப்பட்டது. இதில்,18 பேருக்கு கொரோனா உறுதி செய்யப்பட்டது.
அதாவது, சென்னையில் 5 பேர், திருவாரூரில் 9 பேர், திருவள்ளூரில் 2 பேர், கோவை மற்றும் விழுப்புரத்தில் தலா ஒருவருக்கு கொரோனா தொற்று கண்டறியப்பட்டது. நேற்று கொரோனா பாதிப்பில் இருந்து 5 பேர் குணமடைந்து வீடு திரும்பினர். மேலும், சிகிச்சை பெறுவோரின் எண்ணிக்கை 77 ஆக உயர்ந்துள்ளது.
English Summary
corona affected troll increase in tamilnadu