அதிகாலையிலேயே அதிர்ச்சி - பப்புவா நியூ கினியாவில் திடீர் நிலநடுக்கம்.!
earthquake in Papua New Guinea
பசுபிக் பெருங்கடல் தென்மேற்குப் பகுதியில் அமைந்துள்ளது பப்புவா நியூ கினியா நாடு. இந்த நாட்டின் வடக்கு பகுதியில் இன்று காலை 6.56 மணியளவில் சக்தி வாய்ந்த நிலநடுக்கம் ஏற்பட்டது. இந்த நிலநடுக்கம் ரிக்டர் அளவுகோலில் 6.5 ஆக பதிவாகி உள்ளது.
இந்த நிலநடுக்கம் நியூ பிரிட்டன் தீவின் கிம்பே பகுதியில் இருந்து கிழக்கு-தென்கிழக்கே 110 கி.மீ. தொலைவிலும், 64 கி.மீ. ஆழத்திலும் மையம் கொண்டிருந்தது. இந்த நிலநடுக்கத்தால் சுனாமி எச்சரிக்கை எதுவும் இல்லை என அமெரிக்க நிலநடுக்க அறிவியலாளர்கள் தெரிவித்தனர்.
சுனாமி எச்சரிக்கை எதுவும் இல்லை என்றும் பொருளிழப்புகள் உள்ளிட்ட பிற பாதிப்புகள் பற்றிய விவரங்கள் எதுவும் உடனடியாக வெளிவரவில்லை என பசிபிக் சுனாமி எச்சரிக்கை மையமும் தெரிவித்துள்ளது.
English Summary
earthquake in Papua New Guinea