தேர்தல் விதிமீறல் - பாஜக காங்கிரஸ் கட்சிக்கு தேர்தல் ஆணையம் கடிதம்.!

ஜார்கண்ட் மற்றும் மகாராஷ்டிரா மாநிலத்தில் சட்டசபைத் தேர்தல் நடைபெற்று வருகிறது. இதனை முன்னிட்டு மாநிலத்தில் தேர்தல் பிரச்சாரம் தீவிரமாக நடைபெற்று வருகிறது.

இந்தப் பிரசாரத்தின் போது தேர்தல் நடத்தை விதிமுறைகள் மீறப்படுவதாக பா.ஜ.க. மற்றும் காங்கிரஸ் கட்சியினர் தேர்தல் ஆணையத்தில் பரபரப்பு புகார் அளித்து வருகின்றனர்.

இந்த நிலையில் இந்தப் புகார்கள் குறித்து உரிய விளக்கம் அளிக்கும்படி பா.ஜ.க. தேசிய தலைவர் ஜே.பி. நட்டா மற்றும் காங்கிரஸ் தலைவர் மல்லிகார்ஜுன கார்கே உள்ளிட்டோருக்கு தேர்தல் ஆணையம் தனித்தனியே கடிதம் அனுப்பியுள்ளது.

அந்தக் கடிதத்தில் இரு கட்சி தலைவர்களும் நாளை மதியம் 1 மணிக்குள் புகார்கள் தொடர்பாக முறையான பதில்களை வழங்க வேண்டும் என்று தெரிவிக்கப்பட்டுள்ளது.