எல்லை தாண்டி மீன் பிடித்ததாக இலங்கை மீனவர்கள் 6 பேர் கைது.!

நாகையில் கோடியக்கரை அருகே இந்திய எல்லைக்குள் மீன் பிடித்த இலங்கை மீனவர்கள் 6 பேர் கைது செய்யப்பட்டுள்ளனர்.

நாகப்பட்டினம் மாவட்டம் கோடியக்கரை அருகே இந்திய கடலோர காவல் படையினர் ரோந்து பணியில் ஈடுபட்டு வந்தனர். இந்த நிலையில் இந்திய எல்லைக்குள் விசைப்படகு ஒன்று அத்துமீறி நுழைந்துள்ளது.

இதனை கண்காணிப்பு பணியில் ஈடுபட்டிருந்த இந்திய கடலோர காவல் படையினர் கவனித்தனர். அதனைத் தொடர்ந்து அந்த படகை நெருங்கிய இந்திய கடலோர காவல்படை அவர்களிடம் விசாரணை மேற்கொண்டனர்.

இந்த விசாரணையில் படகில் இருந்தவர்கள் இலங்கையை சேர்ந்த மீனவர்கள் என்பது தெரியவந்தது. இதனையடுத்து இந்திய எல்லைப் பகுதிக்குள் நுழைந்து மீன் பிடித்த இலங்கை மீனவர்கள் 6 பேரை இந்திய கடலோர காவல் படையினர் கைது செய்தனர்.