ஓபிஎஸ் அதற்காக என்ன வேண்டுமானாலும் செய்வார் - அதிமுக முன்னாள் அமைச்சர் பரபரப்பு பேட்டி !

ஓபிஎஸ் ஒரு காலாவதியான மருந்து, அவரால் மக்களுக்கு ஒரு பயனுமில்லை என்று, முன்னாள் அமைச்சர் ஆர்பி உதயகுமார் தெரிவித்துள்ளார்.

ஓ பன்னீர்செல்வம்-டிடிவி தினகரன் இணைந்து செயல்படுவதாக செயல்பட உள்ளதாக நேற்று அறிவித்திருந்த நிலையில், இது குறித்து அதிமுக முன்னாள் அமைச்சர் ஆர்பி உதயகுமார் எம்எல்ஏ இன்று கடுமையாக விமர்சித்துள்ளார்.

ஆர்பி உதயகுமார் எம்எல்ஏ இன்று தெரிவித்தாவது, "ஓபிஎஸ்-டிடிவி தினகரனின் சந்தர்ப்பவாத சந்திப்பை நாம் பொருட்படுத்த தேவையில்லை.

தன்னுடைய அடையாளத்தை தொலைத்து விடக்கூடாது என்பதற்காக யாரை எதிர்த்து ஓபிஎஸ் தர்மயுத்தம் நடத்தினாரோ, தற்போது அவர்களுடனே இணைந்துள்ளார்.

மக்கள், தொண்டனிடம் ஓபிஎஸ்-தினகரன் சந்திப்பு எந்த தாக்கத்தையும் ஏற்படுத்தப் போவதில்லை. தனக்குப் பதவி இல்லை என்று கூறினால் தன்னுடைய நிலைப்பாட்டை மாற்றக்கூடியவர் ஓ பன்னீர்செல்வம்.