ஐபிஎல் ஏலத்திற்காக..சிஎஸ்கே நிர்வாகிகளுடன் தல தோனி ஆலோசனை.!

ஐபிஎல் ஏலம் குறித்து சென்னை சூப்பர் கிங்ஸ் அணி நிர்வாகிகளுடன் தல தோனி ஆலோசனை மேற்கொள்கிறார்.

நடப்பாண்டு ஐபிஎல் கிரிக்கெட் தொடருக்கான மெகா ஏலம் பெங்களூருவில் வரும் பிப்ரவரி மாதம் 12 மற்றும் 13 ஆகிய தேதிகளில் நடைபெற உள்ளது. இந்த ஏலத்தில் பங்கேற்க அனைத்து அணிகளும் தீவிரம்காட்டி வருகின்றனர். அந்தவகையில் சென்னை சூப்பர் கிங்ஸ் அணியும் வீரர்களை தேர்வு செய்யும் பணியில் மும்முரம் காட்டி வருகிறது

அதன்படி, ஐபிஎல் ஏலம் குறித்து அணி நிர்வாகிகளுடன் ஆலோசனை நடத்துவதற்காக சென்னை சூப்பர் கிங்ஸ் அணியின் கேப்டன் தற்போது சென்னை வந்துள்ளார். இந்த ஆலோசனையில் எந்தெந்த வீரர்களை அணியில் எடுக்கலாம் என்பது தொடர்பாக பேச்சுவார்த்தை நடைபெறும் என எதிர்பார்க்கப்படுகிறது.

தற்போது வரை சென்னை சூப்பர் கிங்ஸ் அணியில் கேப்டன் தல தோனி ரூ.12 கோடிக்கும், ஜடேஜா ரூ.16 கோடிக்கும், மொயின் அலி ரூ.8 கோடிக்கும், ருதுராஜ் ரூ.6 கோடிக்கும் தக்க வைக்கப்பட்டுள்ளனர். இந்த நிலையில் சிஎஸ்கே அணிக்கு ஏலத்தில் பங்கு பெற இன்னும் 48 கோடி ரூபாய் மீதம் உள்ளது. இதில் எந்தெந்த வீரர்களை சிஎஸ்கே அணி வாங்க இருக்கிறது என்பதை பொறுத்திருந்துதான் பார்க்க வேண்டும்.