சிரியாவில் வெடிகுண்டு விபத்து.! ஈரான் ராணுவ அதிகாரி உயிரிழப்பு.!

சிரியாவில் வெடிகுண்டு விபத்தில் ஈரான் ராணுவ அதிகாரி உயிரிழந்துள்ளார்.

சிரியாவில் கடந்த 2011-ம் ஆண்டு முதல் கிளர்ச்சியாளர்களுக்கும், அரசுக்கு இடையே உள்நாட்டு போர் நடந்து வருகிறது. இதில் சிரியா அதிபர் பஷர் அல்-ஆசாத்திற்கு ஈரான் ஆதரவு அளித்து, சிரியா ராணுவத்திற்கு ஆதரவாக தனது படைகளையும் அனுப்பி வைத்துள்ளது.

இந்நிலையில், சிரியாவில் வெடிகுண்டு விபத்தில் ஈரான் ராணுவ அதிகாரி ஒருவர் உயிரிழந்துள்ளார். கொல்லப்பட்ட ராணுவ அதிகாரி கர்னல் தாவூத் ஜாபரி என்று அடையாளம் காணப்பட்டுள்ளது. மேலும் இவர் காவலில் ஈடுபட்டபோது தாக்குதல் நடந்துள்ளதாக தெரிவிக்கப்பட்டுள்ளது.

இந்த தாக்குதல் சம்பவத்திற்கு இஸ்ரேல் தான் காரணம் என ஈரான் குற்றம் சாட்டியுள்ளது. மேலும் சிரியாவில் உள்ள ஈரான் ஆதரவு போராளிகளின் நிலைகளை குறிவைத்து இஸ்ரேல் தாக்குதல் நடத்தி வருகிறது குறிப்பிடத்தக்கது.