அல்லு அர்ஜுனின் புஷ்பா - 2 படத்தின் சூப்பர் அப்டேட்.. படக்குழு அதிகாரப்பூர்வ அறிவிப்பு.!
Allu Arjun in pushpa 2 glimpse video release on April 8
தெலுங்கு நடிகர் அல்லு அர்ஜுன் நடிப்பில் ராஷ்மிகா மந்தனா ஹீரோயினாக நடித்த திரைப்படம் தான் புஷ்பா. இதில் பகத் பாசில் வில்லன் கதாபாத்திரத்தில் நடித்திருப்பார். இந்தப் படத்தை இயக்குனர் சுகுமார் இயக்கிய நிலையில், படம் வெளியாகி பயங்கர வரவேற்ப்பை பெற்றது.
தமிழ், தெலுங்கு, கன்னடம், மலையாளம், இந்தி உட்பட 5 மொழிகளில் மிகப்பெரிய பட்ஜெட்டில் உருவாகிய திரைப்படம் தான் புஷ்பா. மேலும் இந்த படத்திற்கு தேவிஸ்ரீபிரசாத் இசை அமைத்திருந்தார்.
இந்த படத்தில் 'ஊ சொல்றியா' பாடல் வெளியாகி ரசிகர்களிடம் மிகுந்த வரவேற்பை பெற்றது. இதில், நடிகை சமந்தா ஒரு ஐட்டம் பாடலுக்கு குத்தாட்டம் போட்டு பட்டி தொட்டி எங்கும் கலக்கினார்.
அதனைத் தொடர்ந்து தற்போது புஷ்பா 2 திரைப்படத்தின் படப்பிடிப்பு விறுவிறுப்பாக நடைபெற்று வருகிறது. மேலும், இதுவரை புஷ்பா 2 படத்தின் அப்டேட் எதுவும் வெளியாகததால் பொது இடங்களில் படக்குழுவினரிடம் புஷ்பா 2 திரைப்படத்தின் அப்டேட் குறித்து தொந்தரவு செய்து வருகின்றனர்.
இந்த நிலையில் நடிகர் அல்லு அர்ஜுனின் 42 வது பிறந்தநாளையொட்டி வரும் ஏப்ரல் 8ம் தேதி புஷ்பா 2 படத்தின் க்ளைம்ஸ் வீடியோவை வெளியிட உள்ளதாக படக்குழு அதிகாரப்பூர்வமாக அறிவித்துள்ளது.
English Summary
Allu Arjun in pushpa 2 glimpse video release on April 8