ரஜினி - சீமான் ரகசிய சந்திப்பு?...இதோ போட்டுடைத்த சீமான்!

சென்னை போயஸ் கார்டனில் உள்ள நடிகர் ரஜினிகாந்தின் இல்லத்தில், நாம் தமிழர் கட்சியின் ஒருங்கிணைப்பாளர் சீமான் நேற்று சந்தித்து பேசினார். நீண்ட நாட்களுக்கு பிறகு ஏற்பட்ட இந்த திடீர் சந்திப்பு பேசு பொருளாக மாறியது. இந்த நிலையில், சீமான் இன்று செய்தியாளர்களை சந்தித்து பேசினார்.

அப்போது பேசிய அவர், அன்பின் காரணமாக மரியாதை நிமித்தமான ரஜினிகாந்தை சந்தித்தேன் என்றும், இந்த சந்திப்பின் போது அரசியல், திரைப்படம் உள்ளிட்ட அனைத்தையும் விவாதித்ததாக தெரிவித்தார்.மேலும், அரசியல் கொடூரமான ஆட்டம் என்று கூறிய அவர், ரஜினிகாந்தின் மனநிலைக்கு இது சரி வராது என்றும், இந்த களத்தில் நேர்மையாக இருப்பது ரொம்ப கஷ்டம் என்று கூறினார்.

நல்ல ஆட்சி கொடுத்தா வாக்குக்கு காசு கொடுக்க வேண்டிய நிலைமை தேவையில்லை என்றும், தொடர்ச்சியா அதைத்தான் செய்வதாக குற்றம் சாட்டிய அவர், இதைத்தான் System Wrong-னு ஆங்கிலத்தில் ரஜினிகாந்த் சொன்னார் என்றும், அதை நான் தமிழில் அமைப்பு தப்பா இருக்கு மாத்தணும்னு சொன்னேன் என்றும், அது குறித்து தான் பேசியதாக தெரிவித்தார்.