தமிழ் சினிமாவில் பிரபல நடிகராக இருப்பவர் தல அஜித். இவருடைய நடிப்பில் கடைசியாக வெளியான நேர்கொண்ட பார்வை திரைப்படம் நல்ல வரவேற்பை பெற்றது. இந்த படத்தை இயக்குனர் ஹச்.வினோத் இயக்கியிருந்தார்.

இந்த நிலையில் தற்போது தல அஜித் மீண்டும் இயக்குனர் ஹெச்.வினோத் இயக்கத்தில் வலிமை படத்தில் நடித்துள்ளார். இந்த படத்தை பாலிவுட் தயாரிப்பாளர் போனி கபூர் தயாரித்துள்ளார். மேலும், இந்த படத்திற்கு யுவன் ஷங்கர் ராஜா இசையமைத்துள்ளார்.

சமீபத்தில் இந்த படத்தின் ஃபர்ஸ்ட் லுக், மோஷன் போஸ்டர் வீடியோ, ஃபர்ஸ்ட் சிங்கிள், சண்டைக் காட்சி மேக்கிங் வீடியோ மற்றும் டிரெய்லர் வெளியாகி ரசிகர்களிடையே நல்ல வரவேற்பை பெற்றுள்ளது. மேலும், இந்த திரைப்படம் பொங்கலுக்கு ரிலீஸாக இருந்த நிலையில், தமிழகத்தில் தற்போது ஊரடங்கின் காரணமாக இந்த படத்தின் ரிலீஸ் தற்காலிகமாக ஒத்திவைக்கப்பட்டது.

இந்த நிலையில் வலிமை திரைப்படம் ரிலீஸாக தாமதமாக உள்ள நிலையில் மும்பைக்கு சென்று நடிகர் அஜித் போனி கபூரை சந்தித்து படம் வெளியீடு குறித்து பேசியுள்ளார். அத்துடன் புதிய படத்தின் படப்பிடிப்பை எப்பொழுது வைத்துக் கொள்ளலாம் என்றும் ஆலோசித்துள்ளார். அவர்கள் இருவரும் எடுத்துக்கொண்ட புகைப்படம் தற்போது சமூக வலைதளங்களில் வைரலாகி வருகிறது.