கமலின் விக்ரம் திரைப்படத்தை தொடர்ந்து லோகேஷ் கனகராஜ் தற்போது லியோ திரைப்படத்தை இயக்கி வருகின்றார். இந்த திரைப்படத்தில் கௌதம் வாசுதேவ் மேனன், திரிஷா, சஞ்சய் தத் உள்ளிட்டோர் விஜயுடன் சேர்ந்து நடிக்கின்றனர். இந்த திரைப்படத்தின் மூலமாக விஜய் லோகேஷ் கனகராஜுடன் இரண்டாவது முறையாக கைகோர்த்துள்ளார்.

இப்படத்தின் சூட்டிங் பணிகள் தற்போது காஷ்மீரில் நடைபெற்று வருகின்றது. படப்பிடிப்பு தளத்திலிருந்து அடிக்கடி சில புகைப்படங்கள் வெளியாகி லியோ ரசிகர்களின் எதிர்பார்ப்பை அதிகரித்துள்ளது. சமீபத்தில் இப்படத்தின் அப்டேட்டுகள் கூட வெளியிடப்பட்டு மிகுந்த எதிர்பார்ப்பை ஏற்படுத்தியது. 

இப்படத்தின் ப்ரோமோ வெளியாகி ரசிகர்களை அதிக அளவில் உற்சாகத்தில் ஆழ்த்தியது. விரைவில் லியோ படத்தின் டீசர் வெளியாகும் என்று எதிர்பார்க்கப்படுகிறது. தற்போது நடிகர் விஜய் லியோ படத்தின் ஷூட்டிங் முடித்துவிட்டு சென்னை திரும்பியுள்ளார்.

இந்த லியோ திரைப்படம் அக்டோபர் மாதத்தில் வெளியாகவுள்ள நிலையில், அடுத்த சில வாரங்களில் அட்லி இயக்கதில் ஜாவான் திரைப்படமும், கமலஹாசனின் இந்தியன் திரைப்படமும் வெளிவர இருக்கின்றன. எனவே, லியோ பட வசூலில் சேதாரம் ஏற்பட வாய்ப்பு இருப்பதாக கூறப்படுகிறது. இதன் காரணமாக படத்தின் ரிலீஸ் தேதியை மாற்றி அமைக்கலாமா எம படக்குழு ஆலோசித்து வருகிறதாம்.