சினிமாவில் சேர ஓர் அறிய வாய்ப்பு.! எம்.ஜி.ஆர் திரைப்படப் பயிற்சி நிறுவனத்தில் மாணவர் சேர்க்கை தொடக்கம்.!
mgr cinema coacing center admission open
தமிழ்நாடு அரசின் செய்தி மக்கள் தொடர்புத் துறையானது தமிழ்நாடு அரசு எம்.ஜி.ஆர் திரைப்படம் மற்றும் தொலைக்காட்சிப் பயிற்சி நிறுவனத்தை கடந்த 50 ஆண்டுகளாக நடத்தி வருகிறது. இந்த நிறுவனம் ஆனது சினிமா திரைப்படத்துறை மற்றும் தொலைக்காட்சி துறையில் மிகச் சிறந்த தொழில்நுட்ப வல்லுநர்களையும், இயக்குநர்களையும் உருவாக்கி வருகிறது.
இந்த நிலையில், 2024-2025ஆம் கல்வி ஆண்டில் தமிழ்நாடு அரசு எம்.ஜி.ஆர் திரைப்படம் மற்றும் தொலைக்காட்சிப் பயிற்சி நிறுவனத்தில், பல்வேறு பிரிவுகளில் பட்டப்படிப்பிற்கான மாணவர் சேர்க்கைக்கு விண்ணப்பங்கள் வரவேற்கப்படுவதாக அந்நிறுவனம் அறிவித்து உள்ளது.
பாடப்பிரிவு:- இளங்கலை காட்சிக்கலை பிரிவில் ஒளிப்பதிவு, எண்மிய இடைநிலை, ஒலிப்பதிவு, இயக்குதல் மற்றும் திரைக்கதை எழுதுதல், படத்தொகுப்பு, உயிர்ப்பூட்டல் மற்றும் காட்சிப்பயன். மாணவர்கள் இந்த விண்ணப்பங்களை வரும் 02.05.2024 முதல் 20.05.2025 வரை www.tn.gov.in எனும் இணையதளத்தில் இருந்து பதிவிறக்கம் செய்து விண்ணப்பிக்கலாம்.
பின்னர் பூர்த்தி செய்யப்பட்ட விண்ணப்பத்தினை அனைத்து உரிய ஆவணங்களுடன் முதல்வர் (மு.கூ.பொ), தமிழ்நாடு அரசு எம்.ஜி.ஆர். திரைப்படம் மற்றும் தொலைக்காட்சிப் பயிற்சி நிறுவனம், சி.ஐ.டி. வளாகம், தரமணி, சென்னை - 600 113 என்ற முகவரிக்கு அஞ்சல் மூலம் மட்டுமே 27.05.2024 அன்று மாலை 05.00 மணிக்குள் வந்து சேரும் வகையில் அனுப்பி வைக்கப்பட வேண்டும் என்றும் தெரிவிக்கப்படுகிறது.
மேலும், 27.05.2024 அன்று மாலை 05.00 மணிக்கு மேல் பெறப்படும் விண்ணப்பங்கள் ஏற்றுக் கொள்ளப்படமாட்டாது என்றும், மாணவர்கள் விண்ணப்பங்களை பெற நேரடியாக வர வேண்டாம்" என்று தெரிவிக்கப்பட்டுள்ளது.
English Summary
mgr cinema coacing center admission open