தெலுங்கு நடிகர் அல்லு அர்ஜுன் நடிப்பில் ராஷ்மிகா மந்தனா ஹீரோயினாக நடித்த திரைப்படம் தான் புஷ்பா. இதில் பகத் பாசில் வில்லன் கதாபாத்திரத்தில் நடித்திருப்பார். இந்தப் படத்தை இயக்குனர் சுகுமார் இயக்கிய நிலையில், படம் வெளியாகி பயங்கர வரவேற்ப்பை பெற்றது.

தமிழ், தெலுங்கு, கன்னடம், மலையாளம், இந்தி உட்பட 5 மொழிகளில் மிகப்பெரிய பட்ஜெட்டில் உருவாகிய திரைப்படம் தான் புஷ்பா. மேலும் இந்த படத்திற்கு தேவிஸ்ரீபிரசாத் இசை அமைத்திருந்தார்.

இந்த படத்தில் 'ஊ சொல்றியா' பாடல் வெளியாகி ரசிகர்களிடம் மிகுந்த வரவேற்பை பெற்றது. இதில், நடிகை சமந்தா ஒரு ஐட்டம் பாடலுக்கு குத்தாட்டம் போட்டு பட்டி தொட்டி எங்கும் கலக்கினார்.

அதனைத் தொடர்ந்து தற்போது  புஷ்பா 2 திரைப்படத்தின் படப்பிடிப்பு விறுவிறுப்பாக நடைபெற்று வருகிறது. இந்த நிலையில் நடிகர் அல்லு அர்ஜுனின் 42 வது பிறந்தநாளையொட்டி கடந்த ஏப்ரல் 7ம் தேதி புஷ்பா 2 படத்தின் க்ளைம்ஸ் வீடியோவை படக்குழு வெளியிட்டது. 

இந்த வீடியோ உருவாக்கம் மற்றும் வெளியீட்டுக்கு மட்டும் 4 கோடி ரூபாய் தயாரிப்பு நிறுவனம் செலவு செய்துள்ளதாக தகவல் வெளியாகி உள்ளது. மேலும், இந்த படத்தை மைத்ரி மூவீஸ் நிறுவனம் ரூ.350 கோடி பட்ஜெட்டில் பிரமாண்டமாய் தயாரித்து வருகிறது என்பது குறிப்பிடத்தக்கது.