புஷ்பா 2 - படம் எப்போது ரிலீஸ்? - மாஸ் அப்டேட் கொடுத்த படக்குழு.!
pushpa 2 movie release date announce
பிரபல நடிகர் அல்லு அர்ஜுன் நடிப்பில் கடந்த 2021-ம் ஆண்டு வெளியான திரைப்படம் 'புஷ்பா தி ரைஸ்'. இந்த படத்தில் ராஷ்மிகா மந்தனா, சுனில், பகத் பாசில் உள்ளிட்ட பல முன்னணி நடிகர்கள் நடித்திருந்தனர். மைத்ரி மூவி மேக்கர்ஸ் நிறுவனம் தயாரித்த இந்த படத்துக்கு தேவி ஸ்ரீ பிரசாத் இசையமைத்திருந்தார்.
இந்த படம் நல்ல வரவேற்பை பெற்று கிட்டத்தட்ட ரூ.400 கோடி வரை வசூல் செய்து சாதனை படைத்தது. இதைத் தொடர்ந்து புஷ்பா-2 படப்பிடிப்பு கடந்த ஒரு வருடமாக நடந்து வருகிறது. இதில், நடிகர் பகத் பாசில், ராஷ்மிகா மந்தனா உள்ளிட்ட நடிகர்கள் நடித்து வருகின்றனர்.
சமீபத்தில் புஷ்பா-2 படத்தின் இரண்டு பாடல்கள் மற்றும் டீசர் உள்ளிட்டவை வெளியாகி மக்கள் இடையே பெரும் வரவேற்பை பெற்றது. படத்தின் 'புஷ்பா புஷ்பா' என்ற முதல் பாடலின் லிரிக் வீடியோவும் வெளியாகி வைரலானது. இந்தப் படத்தை வருகிற ஆகஸ்டு மாதம் 15-ந் தேதி வெளியிட படக்குழு முடிவு செய்திருந்தது.
ஆனால் படத்தின் இறுதி கட்டப் பணிகள் இன்னும் முடிவடையாததனால் படம் வெளி வருவதில் தாமதம் ஏற்படும் என்று கூறப்பட்டது. இந்த நிலையில், புஷ்பா படத்தின் இரண்டாம் பாகம் வரும் டிசம்பர் 6ம் தேதி வெளியாகும் என்று படக்குழு அறிவித்துள்ளது.
English Summary
pushpa 2 movie release date announce