விஜய் டிவியில் முக்கியமாக ஒளிபரப்பாகி வரும் தொடர் பாக்கியலட்சுமி. சின்னத்திரை ரசிகர்களிடையே மிகவும் பிரபலமான இந்த தொடர் குடும்ப கதையாக இருந்தாலும் அவர்களது வாழ்க்கையில் நடக்கக்கூடிய சிறு சிறு பிரச்சனைகள் கோபி மற்றும் பாக்யாவிற்கிடையே நடந்த மோதல் ஆகியவை இந்தத் தொடர் விறுவிறுப்பாக செல்வதற்கு ஒரு முக்கிய காரணமாக அமைந்தது.

டிஆர்பி யில் என்றுமே முன்னணியில் இருக்கும் இந்த பாக்கியலட்சுமி தொடரில்  கோபி என்னும் கதாபாத்திரத்தில் நடித்திருந்தவர் சதீஷ்குமார். இவரது நடிப்பு இந்த தொடரில் ரசிகர்களால் வெகுவாக கொண்டாடப்பட்டது. 

அந்தக் கதாபாத்திரமாகவே ஒன்றி போயிருந்த சதீஷ்குமாரின் நடிப்பால் அவர் செல்லுமிடமெல்லாம் அவரை கோபி என்று ரசிகர்கள் அழைக்குமளவிற்கு தனது கதாபாத்திரத்துடன் இருக்கமாகிவிட்டார். சமீபத்தில்,  சமூக வலைதளத்தில் இவர்  வெளியிட்டிருக்கும் வீடியோவில் பாக்கியலட்சுமி சீரியலில் இருந்து விலகப் போவதாக அறிவித்து இருந்தார். 

ஆனால், இதை கேட்டு அதிர்ச்சியடைந்த பாக்கியலட்சுமி சீரியல் ரசிகர்கள் சமூக வலைதளங்களில் கோபியின் கேரக்டரை சதீஷை தவிர யாராலும் ஈடு கட்ட முடியாது என்று கொந்தளிக்கவும், சதீஷுக்கு கோரிக்கை வைக்கவும் ஆரம்பித்துவிட்டனர். இதையடுத்து இதே சீரியலில் சதீஷை தொடர்ந்து நடிக்க வைக்க சீரியல் குழு வலியுறுத்தி அவரை நீட்டித்துள்ளதாக தற்போது சின்னத்திரை வட்டாரங்களிலிருந்து தகவல் வெளியாகியுள்ளது.