பிக் பாஸ் நிகழ்ச்சி சில வருடங்களாக தமிழில் ஒளிபரப்பாகி வருகிறது. பிக்பாஸ் நிகழ்ச்சியில் முதல் சீசன் மிகப்பெரிய அளவில் வெற்றி பெற்றது. விஜய் டிவியின் டிஆர்பிக்கு பிக்பாஸ் நிகழ்ச்சி மிகப்பெரிய அளவில் உதவுகிறது என்பது உண்மை.

எனவேதான் அடுத்தடுத்த சீசன்கள் தொடங்கப்பட்டு வருகிறது. சமீபத்தில் பிக் பாஸ் சீசன் 5 நிகழ்ச்சி நடந்து முடிந்தது. மிகப்பெரிய அளவில் சுவாரசியத்தை நிகழ்ச்சி ஏற்படுத்தவில்லை.

இதனால் விஜய்டிவி எதிர்பார்த்த டிஆர்பி கிடைக்கவில்லை என்பதால் தான் அடுத்ததாக பிக்பாஸ் அல்டிமேட் நிகழ்ச்சி ஆரம்பிக்கப்பட்டுள்ளது. இதுவரையில் ஒளிபரப்பாகி வந்த பிக்பாஸ் நிகழ்ச்சிகளில் பல விஷயங்களை எடிட் செய்து முக்கியமான நிகழ்வுகளை மட்டும் ஒளிப்பரப்பி வந்தனர்.

ஆனால், தற்போது ஒளிபரப்பாகி வரும் அல்டிமேட் நிகழ்ச்சியில் உள்ளே நடப்பதை அப்படியே ரசிகர்கள் பார்த்துக்கொள்ள முடியும். பிக்பாஸ் வீட்டிற்கு வந்ததில் இருந்து சுரேஷ் சக்கரவர்த்தி வீட்டில் இருப்பவர்களிடம் மிகவும் மோசமான முறையில் நடந்து கொண்டு வருகின்றார்.

மேலும், இரட்டை அர்த்த நகைச்சுவைகளை அவ்வப்போது பயன்படுத்தி முகம் சுளிக்க வைக்கின்றார். அதிலும், வீட்டில் இருப்பவர்களிடம் நாசூக்காக பேசி குத்திக்காட்டிவிட்டு அதனை காமெடியாக நினைத்து அவரே சிரித்துக்கொள்கிறார். 

இதனால், வீட்டில் இருப்பவர்கள் அவரை நாமினேட் செய்தனர். எனவே, ரசிகர்களின் எரிச்சலுக்கு உள்ளான சுரேஷ் சக்vகரவர்த்தி இந்த வாரம் கட்டாயம் எலிமினேட் ஆவார் என்று கூறப்படுகிறது.