பிக்பாஸ் எலிமினேஷன் - இந்த வாரம் வெளியேறபோகும் நபர் யார்?
elimination in bigg boss
விஜய் தொலைக்காட்சியில் பிக்பாஸ் தமிழ் சீசன் 8 கடந்த அக்டோபர் மாதம் 6-ந் தேதி தொடங்கியது. முதன்முறையாக கமல்ஹாசனுக்கு பதில் விஜய் சேதுபதி தொகுத்து வழங்கிய இந்த நிகழ்ச்சி தற்போது 40 நாட்களை கடந்து ஒளிபரப்பாகி வருகிறது.
இந்த நிகழ்ச்சியில் இருந்து இதுவரை ரவீந்தர், அர்னவ், தர்ஷா குப்தா மற்றும் சுனிதா ஆகிய 4 போட்டியாளர்கள் எலிமினேட் ஆகி உள்ளனர். இந்த முறை பிக் பாஸ் 8-வது சீசன் மந்தமாக சென்று கொண்டு இருப்பதால், ஆட்டம் சூடுபிடிக்க தீபாவளி பண்டிகையை ஒட்டி வைல்டு கார்டு போட்டியாளர்கள் பிக்பாஸ் வீட்டுக்குள் அனுப்பி வைக்கப்பட்டனர்.
அதன்படி ராணவ், ரயான், ரியா, வர்ஷினி வெங்கட், மஞ்சரி, ஷிவக்குமார் ஆகிய ஆறு பேர் வைல்டு கார்டு போட்டியாளர்களாக உள்ளே சென்றனர். இந்த நிலையில் இந்த வார எலிமினேஷனுக்கான வார இறுதி இன்று முடிவுக்கு வர உள்ளது.
இதற்கிடையே, இன்று எலிமினேஷன் ஆகும் போட்டியாளர் குறித்த தகவல் வெளியாகியுள்ளது. அந்த வகையில் பிக் பாஸ் நிகழ்ச்சியில் வைல்டு கார்டு எண்ட்ரியாக உள்ளே வந்த போட்டியாளரான ரியா தியாகராஜன் தான் இந்த வாரம் எலிமினேட் ஆகி உள்ளார்.