மதுபான கூடத்தில் நடனமாட மறைத்து வைக்கப்பட்டிருந்த பெண்களை காவல்துறையினர் மீட்டனர்.

மகராஷ்டிரா மாநிலம், மும்பையில் அந்தேரியில் தீபா பார் என்ற மதுபான கூடம் செயல்பட்டு வருகிறது. அந்த மதுபான கூடத்தில் பெண்கள் நடனமாடுவதற்காக மறைத்து வைக்கப்படுள்ளதாக காவல்துறைக்கு ரகசிய தகவல்கள் கிடைத்தது.

இந்த தகவலை அடுத்து, அங்கு அதிரடி ஆய்வு மேற்கொண்ட காவல்துறையினர் அந்த பாரில் பல இடங்களில் சோதனை செய்தபோதும் யாரும் கிடைக்கவில்லை. மேலும், இது குறித்து பார் பணியாளர்களிடம் விசாரணை மேற்கொண்டனர். அப்போது அங்கிருந்தவர்கள் அனைவரும் ஒரே மாதிரியாக பதில் கூறியுள்ளனர்.

ஆனால், காவல்துறைக்கு சந்தேகம் தீரவில்லை. அப்போது மேக்அப் ரூமில் இருந்த அகலமான நிலைகண்ணாடியை பார்த்து சந்தேகமடைந்த அவர்கள் கண்ணாடியை அகற்ற முயன்றனர். ஆனால், அந்த கண்ணாடியை உடைத்த போது அவர்களுக்கு அதிர்ச்சி காத்திருந்தது.

அந்த கண்ணாடியில் வழியே சுரங்கபாதை ஒன்று இருந்தது. அதன் வழியே அவர்கள் சென்று பார்க்கவும் அதில் அறை ஒன்று இருந்தது. அந்த அறையில் ஏசி படுக்கை வசதிகளுடன் தங்குவதற்கு அனைத்து வசதிகளுடன் 17 பெண்கள் தங்கி இருந்தது தெரியவந்தது.

இதனை அடுத்து, அந்த பெண்களை  மீட்டு பார் மீது வழக்கு பதிவு செய்து பார் ஊழியர்களை கைது செய்துள்ளனர். இந்த சம்பவம் அந்த பகுதியில் பரபரப்பை ஏற்படுத்தியுள்ளாது.