உத்திர பிரதேசம் : பேருந்து கவிழ்ந்த விபத்தில் 6 பேர் பலி.! 21 பேர் காயம்

உத்தரப் பிரதேச மாநிலத்தில் ஃபிரோசாபாத் நகரில் ஆக்ரா-லக்னோ விரைவு சாலையில் பேருந்து கவிழ்ந்த விபத்தில் 6 பேர் உயிரிழந்தனர் மற்றும் 21 பேர் காயமடைந்துள்ளனர்.

உத்தரப்பிரதேசத்தின் லூதியானாவில் இருந்து 50 பயணிகளை ஏற்றிக்கொண்டு ரேபரேலி நோக்கி தனியார் பேருந்து ஒன்று சென்று கொண்டிருந்தது. அப்பொழுது ஃபிரோசாபாத் நகரில் ஆக்ரா-லக்னோ விரைவு சாலையில் பேருந்து சென்ற போது பள்ளத்தில் கவிழ்ந்து விபத்துக்குள்ளானது.

இந்த விபத்தில் ஒரு வயது சிறுவன் உட்பட 6 பேர் உயிரிழந்தனர் மற்றும் 21 பேர் காயமடைந்தனர். மேலும் பேருந்து ஓட்டுநருக்கு மயக்கம் ஏற்பட்டபோது பேருந்து மீது டிஎம்சி வாகனம் பின்னால் இருந்து மோதியதில் பேருந்து கவிழ்ந்ததாக கூறப்படுகிறது.

இதையடுத்து இந்த விபத்து குறித்து தகவல் அறிந்து சம்பவ இடத்திற்கு விரைந்து வந்த போலீசார், மீட்பு பணியில் ஈடுபட்டு காயமடைந்தவர்களை மீட்டு சிகிச்சைக்காக சைஃபை மருத்துவக் கல்லூரி மருத்துவமனைக்கு அனுப்பி வைத்தனர்.

இதைத்தொடர்ந்து விபத்து நடந்த இடத்திலிருந்து பேருந்து அகற்றப்பட்டு போக்குவரத்து சீரமைக்கப்பட்டன. மேலும் இந்த சம்பவம் குறித்து போலீசார் விசாரணை மேற்கொண்டு வருகின்றனர்.