புடவை அணிந்து கால்பந்து விளையாடும் பெண் எம்.பி -வலைத்தளங்களில் வைரலாகும் போட்டோ..!

மேற்கு வங்காள மாநிலத்தின் முதலமைச்சர் மம்தா பானர்ஜியின் திரிணாமுல் காங்கிரஸ் கட்சியை சேர்ந்தவர் எம்.பி மஹுவா மொய்த்ரா. கிருஷ்ணாநகரில் எம்பி கோப்பை கால்பந்து போட்டி நடைபெறுகிறது.

அந்த போட்டியில் பங்கேற்ற மஹுவா மொய்த்ரா, புடவை அணிந்துகொண்டு கால்பந்து விளையாடும் படங்களை சமூக வலைதளங்களில் பகிர்ந்துள்ளார்.

திரிணாமுல் காங்கிரஸ் எம்.பி.யான மஹுவா மொய்த்ரா, கால்பந்து மைதானத்தில் புடவை அணிந்துக்கொண்டும், சன்கிளாஸ் கண்ணாடியுடன், விளையாட்டு காலணிகள் மாட்டிக்கொண்டும் களமிறங்கி விளையாடினார்.

இன்று அவர் கால்பந்து விளையாடும் படங்களை சமூக வலைதளங்களில் பகிர்ந்துள்ளார். அதனை "வேடிக்கையான தருணங்கள்" என்றும் அவர் குறிப்பிட்டார். இந்த படங்களை பலரும் பகிர்ந்து வருகின்றனர்.

மஹுவா மொய்த்ரா கால்பந்து விளையாடுவது இது முதல் முறையல்ல. இதற்கு முன்னதாக, திரிணாமுல் காங்கிரஸ் சார்பில், விளையாட்டை மேம்படுத்துவதற்காக மேற்கு வங்கம் முழுவதும் கால்பந்து போட்டிகளை ஏற்பாடு செய்தனர். அப்போதும் அவர் கால்பந்து விளையாடியவர் என்பது குறிப்பிடத்தக்கது ஆகும்.