கர்நாடக மாநிலத்தில் உள்ள பெங்களூரு நகரில் பைரா சந்திரா லே அவுட் பகுதியைச் சேர்ந்த சிறுவர் ஒருவர் தத்தாகுனியில் வசித்து வரும் பதினேழு வயது சிறுமியை காதலித்து வந்துள்ளார்.

இந்த நிலையில், அந்த வாலிபர் நேற்று முன்தினம் மாலை சிறுமியை தனியாக அழைத்துச் சென்று பாலியல் பலாத்காரம் செய்துள்ளார். இதனால் அந்த சிறுமிக்கு அதிக அளவு ரத்தப்போக்கு ஏற்பட்டது. இதைப்பார்த்து அதிர்ச்சி அடைந்த அந்த வாலிபர் தனது நண்பர்கள் உதவியுடன் அந்த சிறுமியை மருத்துவமனையில் அனுமதித்துள்ளார். 

அங்கு அந்த சிறுமியை பரிசோதனை செய்த மருத்துவர்கள், சிறுமியின் நிலை மோசமாக இருப்பதால் மேல் சிகிச்சைக்கு மாவட்ட மருத்துவனைக்கு கொண்டு செல்லுமாறு தெரிவித்துள்ளனர். இதையடுத்து, அந்த வாலிபரின் நண்பர்கள், சிறுமியின் தந்தைக்கு தகவல் தெரிவித்துள்ளனர். 

இதைக்கேட்டு பதறிப்போன அவர் மருத்துவமனைக்கு விரைந்து வந்து மகளை மீட்டு வேறு மருத்துவமனைக்குக் கொண்டு சென்றார். ஆனால், அங்கு அந்த சிறுமி சிகிச்சை பலனின்றி பரிதாபமாக உயிரிழந்தார்.

இந்த சம்பவம் தொடர்பாக சிறுமியின் தந்தை போலீசில் புகார் அளித்துள்ளார். அதன் படி, போலீஸார் அந்த வாலிபர் மீது பாலியல், கொலை மற்றும் போக்சோ சட்டத்தின் கீழ் வழக்குப்பதிவு செய்து கைது செய்தனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது