குடும்ப சண்டையில் பக்கத்து வீட்டுக்காரர் அடித்துக் கொலை!...டெல்லியில் அதிர்ச்சி!
Neighbor beaten to death in family fight shock in delhi
தலைநகர் டெல்லியில் தீரஜ் என்பவர் தனது மனைவியுடன் வசித்து வரும் நிலையில், இவருக்கும் இவரது மனைவிக்கும் இடையே அடிக்கடி தகராறு ஏற்பட்டு வந்ததாக சொல்லப்படுகிறது. இந்த நிலையில், தீரஜ் தனது மனைவியை உடல் ரீதியாக துன்புறுத்தி கொடுமைப்படுத்தி உள்ளார்.
அப்போது, தீரஜ் தனது மனைவியுடன் சண்டையிட்டு அவரை தாக்கிய போது பக்கத்து வீட்டுக்காரர் ரன்சிங் என்பவர், அவர்களின் சண்டையில் குறுக்கிட்டு தீரஜின் நடத்தையை கண்டித்ததாக சொல்லப்படுகிறது.
இதில் ஆத்திரம் அடைந்த தீரஜ், ரன்சிங்கின் தலையில் இரும்பு கம்பியால் தாக்கி உள்ளார்.
இந்த சம்பவத்தில் ரன்சிங்குக்கு தலையில் பலத்த காயம் ஏற்பட்ட நிலையில், ரன்சிங்கை அவரது குடும்பத்தினர் உடனடியாக மருத்துவமனைக்கு அழைத்து கொண்டு சென்ற நிலையில், அவர் மருத்துவமனைக்கு செல்லும் வழியிலேயே பரிதாபமாக உயிரிழந்தார்.
தொடர்ந்து இந்த சம்பவம் குறித்து தீரஜ் மீது கொலை வழக்குப் பதிவு செய்த போலீசார் அவரை கைது செய்து உள்ளனர். தலைநகர் டெல்லியில் குடும்ப சண்டையில் தலையிட்ட பக்கத்து வீட்டுக்காரர் கொல்லப்பட்ட சம்பவம் அதிர்ச்சியையம், சோகத்தையும் ஏற்படுத்தியுள்ளது.
English Summary
Neighbor beaten to death in family fight shock in delhi