மாலை நேரத்திற்கு ஏற்ற சுவையான மிளகு சூப் ரெசிபி..!
milagu soup recipe
மழை காலத்திற்கு ஏற்ற சூடான, காரமான மிளகு சூப் செய்வது எப்படி என்று பார்க்கலாம்.
தேவைப்படும் பொருட்கள்:
அரைத்த மிளகு – 1 ஸ்பூன்
சுக்குப் பொடி – 1 ஸ்பூன்
பூண்டுப் – 3 பல்
தக்காளி – 1
மஞ்சள் தூள் - 1 சிட்டிகை
சின்ன வெங்காயம் – 2
கொத்தமல்லி, கறிவேப்பிலை – சிறிது
உப்பு – தேவையான அளவு
நெய் – அரை ஸ்பூன்
செய்யும் முறை :
கடாயில் நெய்விட்டுச் சூடானதும் நறுக்கிய வெங்காயத்தையும் பூண்டையும் போட்டு வதக்கிக்கொள்ளுங்கள்.
அதோடு தக்காளி, மஞ்சள் தூள், மிளகுப் பொடி, சுக்குப் பொடி, கொத்தமல்லி, கறிவேப்பிலை, உப்பு ஆகியவற்றைப் போட்டு நன்றாக வதக்கிக்கொள்ளுங்கள். பின்னர் இரண்டு டம்ளர் தண்ணீர் ஊற்றிக் கொதிக்கவிடுங்கள்.
சூப் கலவை நன்றாக வெந்து ஒரு டம்ளர் அளவுக்குக் குறைந்ததும் அடுப்பை அணைத்து மூடிவிடுங்கள். பின்பு மிதமான சூட்டில் வடிகட்டிப் பருகுங்கள்.