அதிமுக பொதுக்குழு கூட்டத்திற்கு தடை விதிக்க வேண்டும் என்று, சென்னை அல்லிகுளம் இருபத்தி மூன்றாவது உதவி உரிமையியல் நீதிமன்றத்தில் தொடரப்பட்ட வழக்கை தள்ளுபடி செய்து, அந்நீதிமன்றம் உத்தரவு பிறப்பித்துள்ளது.

சி பாலகிருஷ்ணன் என்பவர் தொடர்ந்த இந்த வழக்கை தரும் வழக்கு தற்போது தடை செய்து உத்தரவு பிறப்பிக்கப்பட்டுள்ளது.

அதே சமயத்தில், அதிமுகவின் பொதுகுழுவு கூட்டத்திற்கு தடை கோரிய முக்கிய வழக்கில் சென்னை உயர்நீதிமன்றத்தில்இன்னும் உத்தரவு வழங்கவில்லை.

இந்த விசாரணை விவரம் : ஓபிஎஸ் தரப்பில், "அதிமுக பொதுக்குழுவில் நிறைவேற்றப்பட உள்ள இருபத்திமூன்று தீர்மானங்களுக்கு ஒப்புதல் அளித்து விட்டதாக ஓபிஎஸ் தகவல் தெரிவித்தார்.

இந்த இருபத்தி மூன்று தீர்மானங்களை தவிர, வேறு எந்த ஒரு தீர்மானத்தையும் அனுமதிக்க முடியாது என்றும், கட்சி விதிகளுக்கு முரணாக ஓபிஎஸ் செயல்பட மாட்டார் என்று, அவர் தரப்பில் ஆஜரான வழக்கறிஞர் அரவிந்த் பாண்டியன் நீதிமன்றத்தில் உறுதியளித்தார்.

இதேபோல், எடப்பாடி கே பழனிசாமி தரப்பில், 'பெரும்பான்மையான பொதுக்குழு உறுப்பினர்கள் கூட்டத்தை கூட்ட வலியுறுத்தி இருப்பதாகவும், பொதுக்குழுவை இருவரும் இணைந்து கூட்ட முடியும் என்றும், பொதுக்குழு முடிவுகள் கட்சியினரை கட்டுப்படுத்தும் எனவும் எடப்பாடி பழனிசாமி தரப்பில் தெரிவிக்கப்பட்டது.

பொதுக்குழு தான் கட்சியின் உச்சபட்ச அமைப்பு என்றும், ஒருங்கிணைப்பாளர், இணை ஒருங்கிணைப்பாளர் அல்ல என்றும், திருத்தம் என்பது 2665 பொதுக்குழு உறுப்பினர்களின் விருப்பம் என்றும், நாளை திருத்தங்கள் நடக்கலாம், நடக்காமலும் இருக்கலாம், பொதுக் குழுவில் உள்ள உறுப்பினர்களின் விருப்பம் அது என்றும் எடப்பாடி பழனிசாமி தரப்பில் தெரிவிக்கப்பட்டது.

பொதுக்குழுவில் பெரும்பான்மையான உறுப்பினர்களின் விருப்பத்தின்படி தீர்மானம் விதிக்கப்படும். இதுவே ஜனநாயகம் எனவும் எடப்பாடி கே பழனிசாமி தரப்பில் தெரிவிக்கப்பட்டது.

இருதரப்பு வாதங்களையும் கேட்ட நீதிபதி இடைக்கால உத்தரவை பிறப்பிக்க உள்ளதாக தெரிவித்தார். பின்னர் அந்த உத்தரவை சிறிது நேரம் தள்ளிவைப்பதாக தெரிவித்துள்ளார்.

இன்னும் சிறுது நேரத்தில் நாளை பொதுக்குழு நடக்குமா? நடக்காதா? நீதிமன்றம் கட்டுப்பாடுகளை விதிக்கும் என்பது குறித்த அறிவிப்பு வெளியாகும் என்று எதிர்பார்க்கப்படுகிறது.