விடாமுயற்சி படத்தின் டிரெய்லர் வெளியானது! பிப்ரவரி 6 ஆம் தேதி திரையரங்குகளில்!

நடிகர் அஜித் குமார் நடிப்பில் உருவாகியுள்ள விடாமுயற்சி திரைப்படம் வரும் பிப்ரவரி 6 ஆம் தேதி வெளியாக உள்ளதாக அறிவிக்கப்பட்டுள்ளது.

இயக்குநர் மகிழ் திருமேனி இயக்கத்தில், நடிகர் அஜித் குமார் நடிப்பில் உருவாகி இருக்கும் "விடாமுயற்சி" இந்தப் படத்தில் நடிகர்கள் ஆரவ், அர்ஜுன், நடிகைகள் திரிஷா, ரெஜினா கசான்ட்ரா, நிகில் நாயர் மற்றும் பலர் நடித்துள்ளனர்.

அனிருத் இசையமைத்துள்ள இந்த படத்திற்கு ஒளிப்பதிவு பணிகளை ஓம் பிரகாஷ் மேற்கொள்ள, படத்தொகுப்பு பணிகளை என்.பி. ஸ்ரீகாந்த் மேற்கொண்டுள்ளார்.

லைகா நிறுவனம் தயாரித்துள்ள இப்படம் பொங்கலுக்கு வெளியாகும் என எதிர்பார்க்கப்பட்ட நிலையில், தவிர்க்க முடியாத காரணங்களால் படத்தை வெளியிட முடியவில்லை என்று தயாரிப்பு நிறுவனம் தெரிவித்தது.

இந்த நிலையில், விடாமுயற்சி திரைப்படம் பிப்ரவரி 6 ஆம் தேதி வெளியாகும் என படக்குழு அறிவித்துள்ளது.

மேலும், விடாமுயற்சி படத்தின் டிரெய்லர் தற்பொழுது வெளியாகியுள்ளது.