வேங்கைவயலுக்கு விஜய் போனாரா? திமுக அமைச்சர் கேள்வி!

சென்னையில் நடந்த அம்பேத்கர் புத்தக வெளியீட்டு விழாவில், நடிகர் விஜய் பேசியது தமிழக அரசியலில் பெரும் பரபரப்பை ஏற்படுத்தி உள்ளது.

அந்த விழாவில் பேசிய விஜய், 2026 சட்டமன்ற பொது தேர்தலில் திமுகவின் அத்தனை கூட்டணி கணக்குகளையும் தகர்த்து, வீழ்த்தி காட்டுவோம் என்று தெரிவித்திருந்தார்.

மேலும் வேங்கை வயல் சம்பவத்தை சுட்டிக்காட்டி, திமுக அரசு மீது விமர்சனம் செய்திருந்தார்.

இந்த நிலையில், விஜயின் கருத்துக்கு பதில் அளித்த அமைச்சர் கே.கே.எஸ்.எஸ்.ஆர்.ராமச்சந்திரன், "தவெக தலைவர் விஜய்யை ஒரு அரசியல்வாதியாக திமுக அங்கீகாரம் செய்யவில்லை.

வேங்கை வயல் விவகாரம் குறித்து பேசும் விஜய் அந்த பகுதிக்கு நேரில் சென்று அந்த மக்களுக்கு ஆறுதல் தெரிவித்தாரா?

புயலால் பாதிக்கப்பட்ட மக்களை நேரில் சந்திக்காமல், திருமண மண்டபத்தில் உதவிகளை செய்வது தான் விஜய்யின் அரசியல்" என்று தெரிவித்துள்ளார்.