ரஞ்சி கோப்பை கிரிக்கெட், சத்தீஷ்கர் அணிக்கு எதிரான ஆட்டத்தில் தமிழகம் பேட்டிங்.!

சத்தீஷ்கர் அணிக்கு எதிரான ஆட்டத்தில் தமிழக அணி பேட்டிங்கை தேர்வு செய்து விளையாடி வருகிறது.

ரஞ்சி கோப்பை கிரிக்கெட் போட்டியின் லீக் சுற்று ஆட்டங்கள் இநிதியாவின் பல்வேறு நகரங்களில் நடைபெற்று வருகின்றன.

தமிழக அணி தனது முதல் ஆட்டத்தில் டெல்லி அணியுடன் விளையாடியது. இதில் டெல்லி அணி வீரர் யாஷ் துல் சிறப்பாக விளையாடி இரு இன்னிங்ஸ்களிலும் சதமடித்து சாதனை புரிந்தார். தமிழக அணி தரப்பில் ஷாருக் கான் மற்றும் பாபா அபராஜித் ஆகியோர் சிறப்பாக விளையாடி சதமடித்தனர். இந்த ஆட்டம் டிராவில் முடிந்தது. முதல் இன்னிங்ஸில் அதிக ரன்கள் எடுத்த அணி என்ற அடிப்படையில் தமிழக அணிக்கு 3 புள்ளிகளும் டெல்லி அணிக்கு ஒரு புள்ளியும் வழங்கப்பட்டது.

இந்நிலையில் தமிழக அணி தனது இரண்டாவது போட்டியில் இன்று சத்தீஷ்கர் அணியுடன் விளையாடி வருகிறது. முதலில் டாஸ் ஜெயித்த தமிழக அனி கேப்டன் விஜய் ஷங்கர் பேட்டிங்கை தேர்வு செய்தார். இதன்படி 46 ஓவர்களில் 2 விக்கட்டுகளை இழந்து 133 ரன்களுடன் தமிழக அணி விளையாடி வருகிறது.