திரைப்படத்தில் வரும் காட்சியைப் போல, கோவையில் நகை பறிப்பு சம்பவத்தில், ஒரு நகைச்சுவை சம்பவமும், அதை தொடர்ந்து போலீசார் எடுத்த அதிரடி நடவடிக்கையும் கவனம் ஈர்த்துள்ளது.

கோவை மாவட்டம், சூலூர் பகுதியில் வசித்து வரும் 60 வயது மூதாட்டி கலாமணி, சம்பவம் நடந்த அன்று தனது உறவினர் வீட்டிற்கு செல்ல சாலையில் நடந்து சென்று கொண்டிருந்தார். 

அப்போது இரு சக்கர வாகனத்தில் வந்த வர்ம நபர்கள் இருவர், மூதாட்டி கலாமணி அணிந்திருந்த சங்கிலியை பறித்து விட்டு சென்றுள்ளனர். 

மூதாட்டி கலாமணி திருடன்.. திருடன்... பிடியுங்கள்...! என்று கத்தி கூச்சலிட்டுள்ளார். இந்த சத்தம் கேட்டு அந்த பகுதியை சேர்ந்த இளைஞர்கள், இருசக்கர வாகனத்தில் சென்ற மர்ம நபர்களை துரத்தியுள்ளனர். 

ஆனால் அந்த மரம் நபர்கள் சிக்காமல் பறந்து விடவே, மூதாட்டி கலாமணிக்கு காயம் ஏதும் ஏற்பட்டுள்ளதா என்று இளைஞர்கள் விசாரித்துள்ளனர். 

அதற்க்கு அந்த பாட்டி மூதாட்டி கலாமணி, அந்த இளைஞர்களிடம் அவர்கள் போனால் போகட்டும், அது வெறும் கவரிங் செயின் தான் என்று சிரித்தபடியே தெரிவித்துள்ளார். 

இருப்பினும் இந்த விவகாரத்தில் போலீசார் வழக்கு பதிவு செய்து, மூதாட்டி கலாமணியிடமிருந்து கவரிங் சங்கிலியை பறித்துச் சென்ற மர்ம நபர்களை பிடிக்க தீவிரமாக தேடி வருகின்றனர். 

அந்த பகுதியில் உள்ள சிசிடிவி காட்சிகளை கைப்பற்றியுள்ள போலீசார் விரைவில் அந்த மர்ம நபர்களை கைது செய்வார்கள் என்று எதிர்பார்க்கப்படுகிறது.

"பெண்கள் கழுத்தில் அணியும் சங்கிலி என்பது அவர்களின் வாழ்நாள் சேமிப்பு. அந்த தங்கச் சங்கிலி தான், குடும்பத்தில் ஏற்படும் அவசர தேவைக்கும், மருத்துவ உதவிக்கும், கணவன் தொழிலில் நஷ்டம் ஏற்பட்டால் அவரை தூக்கி நிறுத்த உதவும். இதை சாதாரண செயின் ஸ்நாட்சிங் கேஸ் என்று சொல்லாதீர்கள்" என்று இயக்குனர் வினோத் இயக்கத்தில், நடிகர் அஜித் நடித்து வெளியான "வலிமை" திரைப்படத்தில் ஒரு வசனம் இடம் பெற்று இருக்கும். 

இந்த விவகாரத்திலும் அது வெறும் கவரிங் செயின் தான் என்று மூதாட்டி கடந்து போனாலும், அந்த திருடர்கள் செய்த செயலின் தாக்கம் அறிந்து, தமிழக போலீசார் உடனடியாக வழக்கு பதிவு செய்து, மர்ம நபர்களை தேடி வருவது பொது மக்களால் பாராட்டப்பட்டு வருகிறது.