கன்னியாகுமரி: சிறுமிக்கு பாலியல் தொல்லை அளித்த டிக்டாக் பிரபலத்திற்கு வலைவீச்சு..!
Police are searching for the youth who sexually harassed the girl
6 வயது சிறுமிக்கு பாலியல் தொல்லை அளித்த இளைஞரை காவல்துறையினர் தேடி வருகின்றனர்.
கன்னியாகுமரி மாவட்டம் ரோடு பகுதியை சேர்ந்தவர் ரீஜன். இவர் தனியார் பொறியியல் கல்லூரி ஒன்றில் இரண்டாம் ஆண்டு படித்து வருகிறார். மேலும் டிக் டாக் இன்ஸ்டாகிராம் போன்ற சமூக வலைத்தளங்களில் மிகவும் பிரபலமாக இருந்து வருகிறார். இவரது சகோதரி மாலை நேரங்களில் துவக்கப்பள்ளி மாணவர்களுக்கு டியூஷன் வகுப்பு எடுத்து வருகிறார்.
இந்த டியூஷன் வகுப்பில் அந்த பகுதியை சேர்ந்த சிறுவர் சிறுமிகள் பயின்று வருகின்றனர். இந்நிலையில் அங்கு டியூசனுக்கு வரும் 6 வயது சிறுமி ஒருவரை தனியாக அழைத்துச் சென்று பாலியல் ரீதியாக துன்புறுத்தியதாக தெரிகிறது.
இதனால் பயந்துபோன அந்த சிறுமி இதுகுறித்து உடனடியாக தனது தாயிடம் கூறியுள்ளார். இதை கேட்டு அதிர்ச்சி அடைந்த பெற்றோர் காவல் நிலையத்தில் புகார் அளித்தனர். இந்த புகாரின் அடிப்படையில் விசாரணையை மேற்கொண்ட காவல்துறையினர் ரீஜின் மீது வழக்கு பதிவு செய்து தலைமறைவாக உள்ள அவரை தேடி வருகின்றனர்.
English Summary
Police are searching for the youth who sexually harassed the girl