ஜெர்மனி | திடீரென பற்றி எரிந்த மருத்துவமனை: 4 நோயாளிகள் பரிதாப பலி!

ஜெர்மனி மருத்துவமனையில் ஏற்பட்ட தீ விபத்தில் 4 நோயாளிகள் உயிரிழந்த சம்பவம் பெரும் சோகத்தை ஏற்படுத்தி உள்ளது.

வடக்கு ஜெர்மனியில் உள்ள ஒரு மருத்துவமனையின் நான்காவது தளத்தில் திடீரென நேற்று தீ விபத்து ஏற்பட்டு பல்வேறு அறைகளுக்கும் வேகமாக பரவத் தொடங்கியது.

இதனை பார்த்த பணியாளர்கள் உடனடியாக தீயணைப்பு துறையினருக்கு தகவல் தெரிவித்தனர். பிறகு நான்காவது தளத்தில் இருந்த நோயாளிகளை மீட்டு பத்திரமாக வெளியேற்றினர்.

இது குறித்து தகவல் அறிந்த தீயணைப்பு வீரர்கள் சம்பவ இடத்திற்கு விரைந்து சென்று தீயை கட்டுக்குள் கொண்டு வந்தனர்.

இருப்பினும் இந்த தீ விபத்தில் 3 நோயாளிகள் சம்பவ இடத்திலேயே பரிதாபமாக உயிரிழந்து விட்டனர். மற்றொரு நோயாளி படுகாயம் அடைந்த நிலையில் வேறொரு மருத்துவமனைக்கு சிகிச்சைக்காக கொண்டு செல்லும் வழியில் உயிரிழந்து விட்டார்.