இத்தாலி நிறுவனமான ஏப்ரிலியா, தனது புதிய Tuono 457 பைக்கை விரைவில் இந்தியாவில் அறிமுகப்படுத்தவிருக்கிறது. இதனை உறுதிப்படுத்தும் வகையில், இந்தியா வலைத்தளத்தில் இந்த பைக்கின் விவரங்களை பட்டியலிட்டுள்ளது.

புதிய டுவோனோ 457
2024 நவம்பர் மாதம் ஐரோப்பாவில் நடைபெற்ற EICMA மோட்டார் ஷோவில் சர்வதேச அளவில் அறிமுகமாகிய Tuono 457 பைக், இந்தியா உட்பட பல்வேறு நாடுகளில் விற்பனை செய்யப்படும் RS457 பைக்கின் நேக்கட் (ரோட்ஸ்டர்) பதிப்பாகும்.

இந்த பைக் ரெட்/பிளாக் மற்றும் வைட்/சில்வர் நிறங்களில் கிடைக்கவுள்ளது. LED விளக்குகள், டிராக்ஷன் கண்ட்ரோல், ரைடிங் மோடுகள், ABS, ப்ளூடூத் கனெக்டிவிட்டியுடன் கூடிய கலர் TFT டிஸ்பிளே போன்ற தொழில்நுட்ப அம்சங்களால் இது சிறப்பம்சமாகிறது.

இன்ஜின் மற்றும் செயல்திறன்

• 457cc லிக்விட் கூல்டு பேரலல் ட்வின் இன்ஜின்: 46.9hp பவர் மற்றும் 43.5Nm டார்க்கை உற்பத்தி செய்யும்.
• 6 ஸ்பீடு கியர்பாக்ஸ் மற்றும் பை-டிராக்ஷனல் க்விக் ஷிப்டர் வசதி கொண்டது.

சஸ்பென்ஷன் மற்றும் பிரேக்கிங் அமைப்பு

• முன்புறத்தில் USD ஃபோர்க்ஸ் (ப்ரீலோடு அட்ஜஸ்டபிள்)
• பின்புறத்தில் மோனோஷாக் சஸ்பென்ஷன்
• இரண்டு வீல்களிலும் சிங்கிள் டிஸ்க் பிரேக்குகள்.

போட்டிகள் மற்றும் விலை
இந்த பைக், MT-03, கேடிஎம் 390 ட்யூக், BMW G 310 R போன்ற நேக்கட் மற்றும் ரோட்ஸ்டர் பைக்குகளுக்கு போட்டியாக வெளியிடப்படுகிறது. RS457 பைக்கின் விலை ரூ.4.10 லட்சம் எக்ஸ்-ஷோரூமில் இருந்ததால், Tuono 457 விலை அதைவிட சற்று குறைவாக இருக்கும் என எதிர்பார்க்கப்படுகிறது.

வெளியீட்டு தேதி
இந்த பைக்கின் இந்திய வெளியீடு ஜனவரி 2025 முதல் தொடங்கும் என அறிவிக்கப்பட்டுள்ளது.

ஏப்ரிலியாவின் புதிய பைக் அறிமுகம், இந்திய நேக்கட் மற்றும் ரோட்ஸ்டர் பைக் பிரிவில் விற்பனை முன்னிலையில் மேலும் புதிய மைல்கல்லாக அமைவுள்ளது.