பஜாஜ் நிறுவனம் தனது புதிய "கோகோ" என்ற பெயரில் முழுமையான எலக்ட்ரிக் ஆட்டோவை இந்திய சந்தையில் வெளியிட்டுள்ளது. இந்த ஆட்டோ, ஒருமுறை சார்ஜ் செய்தால் 248-251 கிமீ வரை பயணிக்கக்கூடிய திறன் கொண்டதாக இருக்கிறது.

மூன்று மாடல்களில் வெளியீடு

பஜாஜ் கோகோ ஆட்டோ P4P5009, P5012, மற்றும் P7012 என மூன்று வேரியண்ட்களில் கிடைக்கிறது. இதில் P என்ற எழுத்து "Passenger" வகையை குறிக்கிறது, மற்றும் பின்னணியில் உள்ள எண்ணிக்கை Battery Capacity (kWh)-ஐ சுட்டிக்காட்டுகிறது.

• P5009 – 9 kWh பேட்டரி
• P5012 – 12 kWh பேட்டரி
• P7012 – 12 kWh பேட்டரி (மேம்பட்ட மாடல்)

பஜாஜ் கோகோ – முக்கிய சிறப்பம்சங்கள்

• 251 கிமீ வரை மைலேஜ்
• 7.7 bhp பவருடன் 36 Nm பீக் டார்க் மோட்டார்
• டூ-ஸ்பீடு ஆட்டோமேட்டிக் டிரான்ஸ்மிஷன்
• ஈக்கோ, பவர், கிளைம்ப், பார்க் அசிஸ்ட் டிரைவிங் மோட்கள்
• 180 mm கிரவுண்ட் கிளியரன்ஸ்
• மணிக்கு 50 கிமீ டாப் ஸ்பீடு
• 27.8% கிரேடபிலிட்டி (மேடுகள் ஏறும் திறன்)
• ஆட்டோ ஹசார்ட், ஆன்டி-ரோல் டிடெக்ஷன், ஹில் ஹோல்ட் அசிஸ்ட்
• ரிமோட் இம்மொபிலைசேஷன், ரிவர்ஸ் அசிஸ்ட் உள்ளிட்ட பிரீமியம் ஃபீச்சர்கள்

விலை விவரங்கள்

பஜாஜ் கோகோ P5009, P5012, P7012 மாடல்களின் எக்ஸ்-ஷோரூம் விலை ₹3,26,797 - ₹3,83,004 வரை உள்ளது. இந்தியா முழுவதும் உள்ள பஜாஜ் டீலர்ஷிப்புகளில் இந்த மாடல்களை முன்பதிவு செய்யலாம்.

தொழில்துறையில் பஜாஜ் கோகோவின் தாக்கம்

தற்போது இந்தியாவில் எலக்ட்ரிக் 3-வீலர் வாகனங்களின் வளர்ச்சி 30% அதிகரித்துள்ளது. அரசு தரும் ஊக்கத்துடன், பராமரிப்பு செலவைக் குறைக்கும் தன்மையால், தொழில்முனைவோர் மற்றும் பொதுமக்கள் எலக்ட்ரிக் ஆட்டோக்களை அதிகமாக ஏற்றுக்கொண்டு வருகின்றனர்.

பஜாஜ் கோகோ மாடல், நவீன தொழில்நுட்பத்துடன் மிக நீண்ட மைலேஜ் வழங்கும் முதல் "செக்மென்ட்-லீடர்" ஆக இருக்கும் என பஜாஜ் இன்ட்ரா-சிட்டி பிசினஸ் யூனிட் பிரசிடென்ட் சமர்தீப் சுபந்த் தெரிவித்தார்.

இந்த புதிய எலக்ட்ரிக் ஆட்டோவின் அறிமுகம், நாட்டில் மூன்று சக்கர வாகன துறையில் பெரிய மாற்றத்தை கொண்டு வரும் என எதிர்பார்க்கப்படுகிறது.