நடிகர் பிருத்விராஜின் புதிய படத்தின் டைட்டில் வெளியீடு!

தமிழ் சினிமாவில் கனா கண்டேன், பாரிஜாதம், மொழி, சத்தம் போடாதே, கண்ணாமூச்சி ஏனடா, உள்ளிட்ட திரைப்படங்களில் நடித்துள்ள நடிகர் பிருத்விராஜ், மலையாள சினிமாவில் முன்னணி ஹீரோவாக வலம் வருகிறார். இவரது நடிப்பில் கடந்த சில மாதங்களுக்கு முன்பு வெளியான 'ஆடு ஜீவிதம்' மற்றும் 'குருவாயூர் அம்பலநடையில்' ஆகிய திரைப்படங்கள் ரசிகர் மத்தியில் நல்ல வரவேற்பை பெற்றது.

இதற்கிடையே நடிகர் பிருத்விராஜ் மோகன்லாலை வைத்து லூசிபர் படத்தின் இரண்டாம் பாகமான 'எம்புரான்' படத்தை இயக்கி வருகிறார். இந்த படத்திற்கான படப்பிடிப்பு பணிகள் இறுதி கட்டத்தை நெருங்கியுள்ள நிலையில், பிருத்விராஜ் ஒரு புதிய படத்தில் நடிக்க உள்ளார்.

இந்த படத்தினை 'ரோஷாக்' படத்தை இயக்கிய நிசாம் பஷீர் இயக்க உள்ள நிலையில், இ4 என்டர்டெயின்மென்ட் நிறுவனத்துடன் பிருத்விராஜும் இணைந்து இப்படத்தை தயாரிக்கிறார். இப்படத்திற்கு 'நோபடி' என்று டைட்டில் வைக்கப்பட்டுள்ள நிலையில், இது குறித்த பதிவை நடிகர் பிருத்விராஜ் தனது எக்ஸ் வலைத்தள பக்கத்தில் பதிவிட்டுள்ளார்.