அடுத்த பாடலை வெளியிட்ட அயலான் படகுழு.!
ayalan movie manja nee song released
ஆர்.ரவிகுமார் இயக்கத்தில் சிவகார்த்திகேயன் நடிப்பில் உருவாகியுள்ள திரைப்படம் 'அயலான்'. இந்தப் படத்தில் ரகுல் பிரீத் சிங், யோகி பாபு, கருணாகரன் உள்ளிட்ட பலர் முக்கிய கதாபாத்திரத்தில் நடித்துள்ளனர். ஏ.ஆர் ரகுமான் இசையமைத்துள்ள இந்தப் படத்தை 24 ஏ.எம். ஸ்டுடியோஸ் மற்றும் கே.ஜே.ஆர். ஸ்டுடியோஸ் நிறுவனம் தயாரித்துள்ளது.
சமீபத்தில் இந்தப் படத்தின் டிரைலர் வெளியாகி ரசிகர்களிடையே நல்ல வரவேற்பை பெற்ற நிலையில் சிவகார்த்திகேயன் நடித்து வெளியான படங்களிலேயே அதிகப்படியான நாடுகள் மற்றும் திரைகளில் வெளியாகவுள்ள திரைப்படம் 'அயலான்' தான் என்று படக்குழு போஸ்டரை வெளியிட்டு அறிவித்திருந்தது.
இந்த படத்தின் முதல் பாடல் 'வேற லெவல் சகோ' கடந்த 2021-ம் ஆண்டு வெளியானதை தொடர்ந்து கிராபிக்ஸ் பணிகள் காரணமாக படத்தின் வெளியீட்டு தேதி தொடர்ந்து தள்ளிவைக்கப்பட்டு வந்த நிலையில், 'அயலான்' படம் வருகிற பொங்கலை முன்னிட்டு திரைக்கு வரும் என்று படக்குழு அறிவித்தது.
இந்த நிலையில், அயலான் படத்தில் இடம்பெற்றுள்ள 'மாஞ்சா நீ' என்ற பாடல், இன்று மாலை வெளியாகும் என படக்குழு அறிவிப்பு வெளியிட்டிருந்ததன்படி தற்போது இந்த பாடல் வெளியாகி சமூக வலைத்தளங்களில் வைரலாகி வருகிறது.
English Summary
ayalan movie manja nee song released