இயக்குனர் விஜய் மில்டன் இயக்கத்தில் உருவான 'கோலி சோடா ரைசிங்' வெப்  சீரிஸ் தற்போது வெளியாக உள்ளது.

இயக்குனர் விஜய் மில்டன் இயக்கத்தில் நடிகர்கள் கிஷோர், ஸ்ரீராம், பாண்டி உள்ளிட்ட பலர் நடிப்பில் 2014ஆம் ஆண்டு வெளியாகி ஹிட் ஆன திரைப்படம் கோலி சோடா. இப்படத்திற்கு இயக்குனர் பாண்டிராஜ் வசனம் எழுதியிருந்தார். திருப்பதி பிரதர்ஸ் இப்படத்தை தயாரித்துள்ளது. அருணகிரி இப்படத்திற்குப் பாடல்கள் அமைக்க அனூப் என்பவர் பின்னணி இசையையாக பணியாற்றியுள்ளார். இந்த படம் ரசிகர்களிடையே நல்ல வரவேற்பை பெற்றது. இதனை அடுத்து இப்படத்தின் 2ம் பாகம் உருவானது.

இந்த படத்தின் முதல் பாகத்தில் நடித்த நடிகர்கள் யாரும் இல்லாமல் புது நடிகர்கள் வைத்து எடுக்கப்பட்டது. இந்தப் படத்தையும் இயக்குனர் விஜய் மில்டனே இயக்கியிருந்த நிலையில் நடிகர்கள் கவுதம் மேனன், சமுத்திரக்கனி உள்ளிட்டோர் நடித்திருந்தனர். ரப்நோட் நிறுவனம் தயாரித்துள்ளது. அச்சு ராஜா மணி 
இசையமைத்துள்ளார். ஆனால் இந்த படம் வெளியாகி ரசிகர்களிடம் கலவையான விமர்சனங்களை பெற்றது.

இந்நிலையில், இப்படத்தின் அடுத்த பாகம் வெப் சீரிஸாக உருவாக்கி உள்ளனர். இந்த வெப் சீரிஸுக்கு 'கோலி சோடா ரைசிங்' என்று பெயர் சூட்டப்பட்டுள்ளது. இப்படத்தில் புது  நடிகர்களாக சேரன், ஷியாம், ரம்யா நம்பீசன், அபிராமி, அம்மு அபிராமி,குக் வித் கோமாளி புகழ் உள்ளிட்ட பலர் நடித்துள்ளனர். மேலும் தமிழ், தெலுங்கு, இந்தி உள்பட ஏழு மொழிகளில் டிஸ்னி பிளஸ் ஹாட்ஸ்டார் ஓடிடி தளத்தில் இப்படம் வெளியாகும் என படக்குழு அறிவித்திருந்தது.

மேலும், இந்த சூழலில் இந்த வெப் சீரிஸின் ஓ.டி.டி ரிலீஸ் குறித்த புதிய அப்டேட் வெளியாகி உள்ளது. அதன்படி, 'கோலி சோடா ரைசிங்' வெப் சீரிஸ் வருகிற செப்-13ந் தேதியில் இருந்து டிஸ்னி பிளஸ் ஹாட்ஸ்டார் ஓடிடி தளத்தில் வெளியாக உள்ளது என படக்குழு தெரிவித்துள்ளது.