''லால் சலாம்'' திரைப்படத்தின் ரிலீஸ் தேதி அப்டேட்: குழப்பத்தில் ரசிகர்கள்!
Laal salam movie update
ஐஸ்வர்யா ரஜினிகாந்த் இயக்கத்தில் விஷ்ணு விஷால், விக்ராந்த் நடிப்பில் உருவாகியுள்ள திரைப்படம் 'லால் சலாம்'. இந்த திரைப்படத்தில் நடிகர் ரஜினிகாந்த் முக்கிய கதாபாத்திரத்தில் நடித்துள்ளார்.
ஏ.ஆர். ரகுமான் இசையமைத்துள்ள இந்த திரைப்படம் கிரிக்கெட் விளையாட்டை மையமாகக் கொண்டு தயாராகியுள்ளது.
இந்த திரைப்படத்தின் டிரைலர் சமீபத்தில் வெளியாகி ரசிகர்கள் இடையே நல்ல வரவேற்பை பெற்றது. இந்த திரைப்படம் வருகின்ற பொங்கலுக்கு திரையரங்குகளில் வெளியாகும் என அறிவிக்கப்பட்டிருந்தது.
இந்நிலையில் 'லால் சலாம்' திரைப்படத்தின் ரிலீஸ் தேதி தள்ளி வைக்கப்பட்டுள்ளது. அதாவது, இந்த திரைப்படம் வருகின்ற பிப்ரவரி 9 ஆம் தேதி திரையரங்குகளில் வெளியாகும் என படக்குழு போஸ்டர் ஒன்றை வெளியிட்டு அறிவித்துள்ளது.
இந்த போஸ்டர் தற்போது சமூக வலைதளங்களில் வைரலாகி வருகிறது. இந்த அறிவிப்பால் ரசிகர்கள் உற்சாகத்திலும் குழப்பத்திலும் உள்ளனர்.