பெரும் சோகத்தில் திமுகவினர்! அதிமுக முன்னாள் எம்எல்ஏ கோவை செல்வராஜ் திடீர் மரணம்!
ADMK Ex MLA DMK Kovai Selvaraj Death
முன்னாள் அதிமுக சட்டமன்ற உறுப்பினரும், திமுக செய்தி தொடர்பாளருமான கோவை செல்வராஜ் (வயது 66) மாரடைப்பால் இன்று காலமானார்.
அதிமுகவிலிருந்து நீக்கப்பட்டவரும், முன்னாள் எம்எல்ஏ-வுமான கோவை செல்வராஜ் கடந்த 2022 ஆம் ஆண்டு, டிசம்பர் மாதம் தன்னை திமுகவில் இணைத்து கொண்டார்.
அதிமுகவிலிருந்து நீக்கப்பட்டபின் ஓபிஎஸ் அணியில் இருந்த செல்வராஜ், திராவிட பாரம்பரியத்தை விட்டு விலக மாட்டேன் என்று கூறி திமுகவில் இணைந்தார்.
அதிமுக வேண்டாம் என முடிவு செய்து விட்டேன், திமுக வெறுக்க கூடிய கட்சி இல்லை. முதல்வர் ஸ்டாலின் நன்றாக செயல்படுகிறார் என்று திமுகவில் இணைந்தார் கோவை செல்வராஜ்.
இந்நிலையில், திருப்பதியில் தனது மகனின் திருமண நிகழ்ச்சியில் பங்கேற்று இருந்த அவருக்கு திடீர் மாரடைப்பு ஏற்பட்ட நிலையில், அங்கேயே அவர் உயிரிழந்தார்.
நாளை காலை அவரது உடல் கோவை கொண்டு வரப்பட்டு நல்லடக்கம் செய்யப்பட உள்ளது.
English Summary
ADMK Ex MLA DMK Kovai Selvaraj Death