அடேங்கப்பா! திமுக தரப்பிலிருந்து சீமானுக்கு வந்த பிறந்தநாள் வாழ்த்து!
DMK Side wish seeman NTK
திமுகவை சேர்ந்த நடிகர் போஸ் வெங்கட் நாம் தமிழர் கட்சியின் ஒருங்கிணைப்பாளர் சீமானுக்கு வாழ்த்து தெரிவித்துள்ளார்.
இதுகுறித்த அவரின் வாழ்த்து செய்தியில், "கொள்கையில் வித்தியாசம் இருப்பினும் அன்பில் ஒருதுளி வித்தியாசம் காட்டாத.. களம் என்று வந்து விட்டால் எதையும் எதிர்த்து போராடும் போராளி.. நா. த. க. ஒருங்கிணைப்பாளர் அன்பு அண்ணன் திரு. சீமான் அவர்களுக்கு இனிய பிறந்த நாள் வாழ்த்துக்கள்" என்று தெரிவித்துள்ளார்.
இதேபோல் திமுக கூட்டணி கட்சியான மநீம தலைவர் கமல்ஹாசன் விடுத்துள்ள வாழ்த்துச்செய்தியில், "என் பிறந்த நாளுக்கு, தன் உள்ளத்தைத் திறந்துவைத்து வாழ்த்தியிருந்தார் நாம் தமிழர் கட்சியின் தலைமை ஒருங்கிணைப்பாளர், அன்புச் சகோதரர் சீமான். விரிவான அந்த வாழ்த்தில் மனம் நெகிழ்ந்தேன். தொட்டடுத்த நாளான இன்றே தன் பிறந்த நாள் காணும் அவரை மனதார வாழ்த்துகிறேன்.
எடுத்த காரியம் எதுவாயினும் இடைநிறுத்திவிடாத உறுதி, தான் கொண்ட கருத்துகளைச் சோர்வடைந்து விடாமல் தொடர்ந்து பரப்பும் தெளிவு என செயல்பட்டுக்கொண்டிருக்கும் சகோதரரை வாழ்த்துவதில் ஒரு மூத்தவனாக மனமிக மகிழ்கிறேன்" என்று தெரிவித்துள்ளார்.